3 جەلتوقسان, 12:58 369 0 زاڭ انار لەپەسوۆا

الاياقتىق ءۇشىن تۇتقىندالعان «الماتىمەتروقۇرىلىس» باسشىسى بوساتىلدى

«الماتىمەتروقۇرىلىس» اق ديرەكتورلار كەڭەسى توراعاسى قايرات رەيىموۆ تۇتقىننان بوساتىلدى. بۇل تۋرالى  قر ىشكى ىستەر ءمينيسترى ەرلان تۇرعىمباەۆ مالىمدەدى. 

«سوت شەشىمى بولدى. تۇتقىندا ۇستاۋ 25 ملن تەڭگە كەپىل قاراجاتتى ايقىنداۋ ارقىلى سانكتسيالاندى. سوندىقتان پروتسەدۋرالىق ماسەلەلەر بار. قورعاۋشى تاراپ جىلجىمايتىن مۇلىك قۇجاتىن ۇسىنىپ، ول باعالاندى. وسى پروتسەدۋرالاردان كەيىن ول كەپىلمەن بوساتىلدى»، - دەدى مينيستر.

ەسكە سالا كەتەيىك، بۇعان دەيىن بىرقاتار باق وكىلدەرى «الماتىمەتروقۇرىلىس» ديرەكتورلار كەڭەسىنىڭ توراعاسى قايرات رەيىموۆتىڭ ءىرى كولەمدە الاياقتىق جاسادى دەگەن كۇدىكپەن ۇستالعانىن حابارلاعان ەدى.

 

سوڭعى جاڭالىقتار