3 جەلتوقسان 2019, 10:09 708 0 الەۋمەت انار لەپەسوۆا

جاڭا مەملەكەتتىك جاردەماقىنى تاعايىنداۋ شارتتارى قانداي؟

2020 جىلدىڭ قاڭتارىنان باستاپ اتاۋلى الەۋمەتتىك كومەكتى تاعايىنداۋ ەرەجەسى وزگەرەدى.

سوعان سايكەس، ەندى كەدەيشىلىك شەگى مەن وتباسىنىڭ كىرىسى ەسەپتەلىپ، ايىرماشىلىعى تولەنبەك. بۇل تۋرالى اقتوبەلىكتەرمەن كەزدەسكەن جاۋاپتى مەكەمە باسشىلارى ءتۇسىندىردى، دەپ حابارلادى "حابار 24".

بۇگىندە  قالا بويىنشا ون مىڭ وتباسى اتاۋلى الەۋمەتتىك كومەك الىپ وتىر. وسى ۋاقىتقا دەيىن بۇل ماقساتقا 4 ميلليارد 200 ميلليون تەڭگە بولىنگەن. ال وتباسىنىڭ تابىسى بەلگىلى مولشەردەن اسقان 313 وتباسىعا كومەك كورسەتۋ توقتاتىلعان.

مامانداردىڭ ايتۋىنشا، 2020 جىلدان باستاپ ەنگىزىلەتىن وزگەرىس ماسىلدىقتى جويۋدى كوزدەيدى. بۇدان وزگە كوپ بالالى وتباسىلارعا بەرىلەتىن جاردەماقىنى ءوسىرۋ قاراستىرىلىپ وتىر.

"ەڭ باستىسى، بۇگىنگى كۇنگە دەيىن بالا كۇتىمىمەن 7 جاسقا دەيىن وتىرا السا، ەندى اتا-انانىڭ بىرەۋى بالا كۇتىمىمەن 3 جاسقا دەيىن وتىرۋى ءتيىس. جانە ەڭبەككە جارامدى وتباسى مۇشەسى مىندەتتى تۇردە جۇمىسقا ورنالاسۋى قاجەت. بالالار جاردەماقىسى تۋرالى ايتساق، ول جەردە 4 بالالى وتباسىلارعا 42 500 تەڭگەدەن، 5 بالاعا 53 مىڭ تەڭگە، 6 بالاعا 63 000 تەڭگە جانە 7 جانە ودان دا كوپ بالاعا 73 مىڭ تەڭگەدەن تولەنەدى", - دەيدى   قالالىق جۇمىسپەن قامتۋ ورتالىعى ديرەكتورىنىڭ مىندەتىن اتقارۋشى التىناي ماقانوۆا.

 

سوڭعى جاڭالىقتار