3 جەلتوقسان 2019, 08:13 757 0 رۋحانيات انار لەپەسوۆا

تۇركى تىلدەس ەلدەردىڭ 2020 جىلعى مادەني استاناسى بەلگىلەندى

قر مادەنيەت جانە سپورت ۆيتسە-ءمينيسترى نۇرعيسا داۋەشوۆ قىرعىز ەلىنىڭ وش قالاسىندا وتكەن حالىقارالىق تۇركى مادەنيەتى مەن ونەرىن بىرلەسىپ دامىتۋ (تۇركسوي) ۇيىمى مادەنيەت مينيسترلەرىنىڭ 37-وتىرىسىنا قاتىستى. بۇل تۋرالى قر مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى. 

ۆەدومستۆونىڭ مالىمەتىنشە، شارا بارىسىندا نۇرعيسا داۋەشوۆ اقىن، قوعام قايراتكەرى ابايدىڭ 175 جىلدىعىن اتاپ وتۋگە ارنالعان جوبانى تانىستىردى. تۇركسوي باس حاتشىسى دۇيسەن قاسەيىنوۆ پەن وزگە دە ۇيىم مۇشەلەرى تانىستىرىلىمنان سوڭ 2020 جىلدى تۇركى تىلدەس ەلدەردە ۇلى اقىننىڭ مەرەيتويىن اتاپ ءوتۋدى ءبىر اۋىزدان قولدادى. سونداي-اق، مينيسترلەر وسى جىلى باۋىرلاس مەملەكەتتەر اراسىنداعى مادەنيەت، ونەر سالاسىنداعى بايلانىستار جايىن تالقىلادى. وتىرىس بارىسىندا 2020 جىلى تۇركى ەلدەرىنىڭ مادەني استاناسى بولىپ وزبەكستاننىڭ حيۋا قالاسى بەلگىلەندى.

ءىس-شاراعا قىرعىز ەلىنىڭ مادەنيەت، اقپارات جانە تۋريزم ءمينيسترى ازامات جامانقۇلوۆ، وش قالاسىنىڭ مەرى تاالايبەك سارىباشەۆ، تۇركيا رەسپۋبليكاسىنىڭ مادەنيەت ءمينيسترىنىڭ ورىنباسارى ءنادىر الىپ اسلان، ازەربايجان رەسپۋبليكاسى مادەنيەت ءمينيسترىنىڭ ورىنباسارى رافيگ بايراموۆ، وزبەكستان رەسپۋبليكاسى مادەنيەت ءمينيسترىنىڭ ورىنباسارى كامولا اكيلوۆا، تۇركىمەنستان رەسپۋبليكاسى مادەنيەت ءمينيسترىنىڭ ورىنباسارى گۋربانمۇراد مىراداليەۆ، تۇركسوي ۇيىمى ەلدەرىنە قاراستى مەملەكەتتەردەن كەلگەن وزگە دە مارتەبەلى قوناقتار قاتىستى.

 

سوڭعى جاڭالىقتار