2 جەلتوقسان, 16:22 489 0 ايماق انار لەپەسوۆا

سامارا-شىمكەنت تاسجولىندا 75 ادام جول اپاتىنا ۇشىرادى

سامارا-شىمكەنت تاسجولىندا Neoplan NK281 TC اۆتوبۋسى Daf جۇك كولىگىمەن سوقتىعىستى. بۇل تۋرالى «قازاۆتوجول» ءباسپاسوز قىزمەتى حابارلادى.

وقيعا قىزىلوردا وبلىسىنىڭ ارال اۋدانىنداعى شيجاعا ەلدى مەكەنى تۇسىندا بولدى. جول ءجۇرۋ ەرەجەسىن بۇزعان اۆتوبۋس جۇرگىزۋشىسى جىلدامدىقتى ارتتىرىپ، ارا قاشىقتىقتى ساقتاماي، جولاي كەتىپ بارا جاتقان جۇك كولىگىنە سوقتىعىسقان.

جولاۋشىلار اۆتوبۋسى اقتوبە-شىمكەنت باعىتىندا ءجۇرىپ بارا جاتقان. اپات ناتيجەسىندە ەكى ادام جاراقات الىپ، ارال اۋدانىنىڭ ورتالىعىنداعى اۋرۋحاناعا جەتكىزىلدى. جولاۋشىلار اۆتوبۋسىنىڭ باسىم بولىگى وزبەكستان جانە تاجىكستان ازاماتتارى. ولارعا ءتيىستى كومەك كورسەتىلۋدە. جۇك كولىگىنىڭ جۇرگىزۋشىسى ءدىن امان.

سوڭعى جاڭالىقتار