2 جەلتوقسان, 14:38 372 0 ايماق انار لەپەسوۆا

تارازدا ءىرى ساۋدا ورتالىعى ورتكە وراندى

تاراز قالاسىندا ساتپاەۆ كوشەسىنىڭ بويىندا ورنالاسقان «ەۆريكا» سۋپەرماركەتى ورتەنىپ كەتتى. بۇل تۋرالى ءىىم توتەنشە جاعدايلار كوميتەتىنىڭ رەسمي وكىلى حابارلادى. 

كوميتەتتىڭ رەسمي وكىلى نۇرسۇلتان نۇراحمەتوۆتىڭ ايتۋىنشا، 2 جەلتوقساندا ساعات 01:01-دە ەكىقاباتتى «ەۆريكا» سۋپەرماركەتىنەن ءورت شىققانى جايلى حابار كەلگەن.

«ءورت سوندىرۋشىلەر كەلگەننەن كەيىن ەكىنشى قاباتتاعى اعاش توبەنىڭ ورتەنىپ جاتقانىن انىقتاعان. ءورت 03:31-دە ءسوندىرىلدى. زارداپ شەككەندەر جوق. ءورتتىڭ شىعۋ سەبەبى انىقتالادى»، - دەيدى نۇرسۇلتان نۇراحمەتوۆ.

ءورتتى سوندىرۋگە بارلىعى 84 ادام مەن 19 تەحنيكا جۇمىلدىرىلعان. پوليتسيا قىزمەتكەرلەرى نىساندى قورشاۋعا العان.

سوڭعى جاڭالىقتار