2 جەلتوقسان, 10:51 467 0 زاڭ انار لەپەسوۆا

مەشىتتەگى ناماز ۇستىندە ء"اميندى" داۋىستاپ ايتقان ازامات جازالاندى

اتىراۋ قالاسىندا ۇستىنەن اكىمشىلىك قۇقىق بۇزۋشىلىق تۋرالى ءىس قوزعالعان سالاۋات دوسمۇحانوۆقا  505 000 تەڭگە ايىپپۇل سالىندى، دەپ جازادى Kazislam.kz.

بۇدان ءبىر جىل بۇرىن اكىمشىلىك جازا قولدانىلعان س.دوسمۇحانوۆ اراعا ءبىر جىل سالىپ مەشىتتىڭ ءتارتىبىن تاعى دا ورەسكەل بۇزعان. ياعني، بيىلعى 28 قىركۇيەك كۇنى  20 ساعات 45 مينۋت شاماسىندا اتىراۋ قالاسى، "يمانعالي" ورتالىق مەشىتىنىنىڭ تارتىبىنە باعىنباي، "قۇپتان" نامازى ۇستىندە يمامنىڭ عيبادات ەتۋ ءتارتىبىن ساقتاۋعا شاقىرعان ءسوزىن تىڭداماي، وعان قارسى شىعىپ، ء"امين" ءسوزىن داۋىستاپ ايتقان.

قازاقستان مۇسىلماندارى ءدىني باسقارماسى رەسپۋبليكالىق يسلامي ءدىني بىرلەستىگى مەشىتتەرىنىڭ ىشكى ءتارتىپ ەرەجەسىنە» سايكەس، مەشىتكە كەلۋشىلەر حانافي مازحابىنا ساي قۇلشىلىق جاساۋعا، نامازداعى ء"امين" دۇعاسىن ىشتەي ايتۋعا مىندەتتى ەكەنىن بىلە تۇرا، نامازعا ۇيىعان مەشىت جاماعاتىنىڭ تىنىشتىعىن بۇزعان. نامازدا يمامنىڭ ارتىندا ءبىرىنشى قاتاردا تۇرىپ ء"امين" ءسوزىن داۋىستاپ ايتقان س.دوسمۇحانوۆ  وزىنە ەسكەرتۋ جاساعان مەشىت قىزمەتكەرلەرىنە دورەكى مىنەز كورسەتىپ، ايقايلاپ سويلەپ، ولارمەن جاعالاسىپ، الىسقان.

سوت وتىرىسىندا س.دوسمۇحانوۆتىڭ كىناسى مەشىتتىڭ بەينەجازباسى جانە  جانىندا نامازدا تۇرعان ادامداردىڭ كۋا بولۋىمەن تولىعىمەن انىقتالدى. كۋا بولعاندار ونىڭ مەشىتتىڭ ىشكى ءتارتىبىن ۇنەمى وسىلاي بۇزاتىنىن ايتتى.

اتىراۋ قالاسىنىڭ مامانداندىرىلعان اكىمشىلىك سوتى سالاۋات دوسمۇحانوۆتى اكىمشىلىك قۇقىق بۇزۋشىلىق تۋرالى قر كودەكسىنىڭ 490-بابىنىڭ 8-بولىگىندە كوزدەلگەن اكىمشىلىك قۇقىق بۇزۋشىلىق جاساعانى بويىنشا كىنالى دەپ تانىپ، قىزمەتكە تىيىم سالا وتىرىپ، وعان اكىمشىلىك جازا رەتىندە 505000 (بەس ءجۇز بەس مىڭ) تەڭگە اكىمشىلىك ايىپپۇل سالۋعا شەشىم شىعاردى.

سوڭعى جاڭالىقتار