1 جەلتوقسان, 19:25 485 0 قوعام انار لەپەسوۆا

28 جىلدىققا 28 شاقىرىم: توكيوداعى قازاقستاندىقتار تاۋەلسىزدىك كۇنىنە وراي ەرەكشە اكتسيا ۇيىمداستىردى

قازاقستان تاۋەلسىزدىگىنىڭ جيىرما سەگىز جىلدىعىنا وراي جيىرما سەگىز شاقىرىم.  بۇل قاشىقتىقتى جاپونيادا تۇراتىن قازاقستاندىقتار جانە جاپونيا ۇكىمەتى مەن ءىرى كومپانيالاردىڭ وكىلدەرى جاياۋ ءجۇرىپ ءوتتى.

اكتسيانى ەلىمىزدىڭ توكيوداعى ەلشىلىگى ۇيىمداستىردى، دەپ حابارلايدى 24.kz.

قاتىسۋشىلار مارشتى حانەدا حالىقارالىق اۋەجايى ماڭىنداعى ساياباقتان باستادى. ءسويتىپ توكيو فۋچۋ اۋدانىنداعى مارە سىزىعىنا بەس جارىم ساعات دەگەندە جەتتى. قازاقستاننىڭ تاۋەلسىزدىك كۇنىنە ارنالعان وسى شارادا جاپوندىقتار سەرۋەندەپ قانا قويماي، رەسپۋبليكامىزدىڭ مەملەكەتتىك ءانۇرانىن قازاق تىلىندە ورىندادى. جاپونياداعى ەلشىلىگىمىزدىڭ قىزمەتكەرلەرى شەرۋدى ەكىنشى مارتە وتكىزىپ وتىر. بىلتىر ديپلوماتتار يوكوگامادان توكيوعا دەيىن جيىرما جەتى شاقىرىمدى جاياۋ ءجۇرىپ وتكەن ەدى.

– بيىلعى اكتسيانىڭ ەرەكشەلىگى – جاپونيانىڭ مەملەكەتتىك قىزمەتكەرلەرى، ىسكەر جانە اكادەميالىق توپ وكىلدەرى دەمالىس كۇنى ۋاقىتتارىن ءبولىپ، جاياۋ شەرۋگە قاتىسىپ، بىزگە قولداۋ كورسەتىپ جاتىر. بۇل ءىس-شارا وتانداستارىمىز بەن قانداستارىمىز ءۇشىن دە توكيودا باس قوسۋعا جانە شەتەلدە ءجۇرىپ تاۋەلسىزدىك كۇنىن وسىلايشا اتاپ وتۋگە جاقسى سەبەپ بولىپ تابىلادى، - دەيدى قر جاپونياداعى ەلشىسى ەرلان باۋداربەك-قوجاتاەۆ.

سوڭعى جاڭالىقتار