29 قاراشا, 22:00 437 0 ايماق انار لەپەسوۆا

الماتىدا تۋريستەرگە ارنالعان 4 پوليتسيا پۋنكتى اشىلادى

الماتىعا كەلەتىن ساياحاتشىلاردىڭ قاۋىپسىزدىگىن قامتاماسىز ەتىپ، ولارعا اقپاراتتىق قىزمەت كورسەتۋ ءۇشىن ءتورت تۋريستىك پوليتسيا پۋنكتتەرى اشىلادى. 

مودۋلدەر بوستاندىق جانە مەدەۋ اۋداندارىندا كەلەسى اپتادا ورناتىلماق. اتاپ ايتقاندا، شەتەلدىك قوناقتارعا كومەك كورسەتەتىن شاعىن پۋنكتەر قر تۇڭعىش پرەزيدەنت ساياباعى، «مەدەۋ» مۇز ايدىنى ماڭىندا، كوكتوبەگە جانە اۋەجايعا قويىلادى. سەبەبى اتالعان ماڭدا تۋريستەر كوپ جۇرەدى، دەپ حابارلايدى "الماتى" ارناسى. 

باستىسى، ونى جاڭا مودۋلدەردى پوليتسيا پۋنكتىمەن شاتاستىرماۋ كەرەك دەپ وتىر. تۋريستىك پوليتسيا ءمودۋلىن ورناتۋدىڭ ماقساتى – ساياحاتشىلار قاۋىپسىزدىگىن قامتاماسىز ەتىپ، ولاردى تولعاندىرعان كەز كەلگەن ساۋالعا جاۋاپ بەرۋ.

«ونىڭ ىشىندە بارلىعى قامتىلعان. قىستا جىلى بولادى. جازدا كونديتسيونەر قوسىلادى. نەگىزىندە كوپ جايسىز جاعداي بىزدە تاكسيدە بولىپ جاتادى عوي. زاتتار جوعالادى. ونىڭ ءبارىن ءبىز فەيسبۋكتەگى پوليتسياسىنىڭ دەپارتامەنتى پاراقشاسىندا كورسەتتىك»، - دەدى الماتى قالاسى پوليتسيا دەپارتامەنتى تۋريستىك پوليتسيا ءبولىمىنىڭ اعا ينسپەكتورى جەڭىسبەك شالباەۆ.

ەسكە سالا كەتەيىك، تۋريستىك پوليتسيا بيىل كوكتەمدە قۇرىلدى. ونىڭ قۇرامىندا 25 پوليتسەي بار. ولاردىڭ باسىم بولىگى اعىلشىن ءتىلىن بىلسە، ءبىرازى قىتاي، كورەي، فرانتسۋز تىلدەرىن جەتىك مەڭگەرگەن.

سوڭعى جاڭالىقتار