22 قاراشا, 22:05 524 0 ىشكى ساياسات انار لەپەسوۆا

پرەزيدەنت مەملەكەتتىك ورگان باسشىلارىنىڭ سىرتقى قاتەرلەرگە دايىندىعىن تەكسەردى

بۇگىن قارۋلى كۇشتەردىڭ جوعارعى باس قولباسشىسى قاسىم-جومارت توقاەۆتىڭ باسشىلىعىمەن قورعانىس مينيسترلىگىندە ستراتەگيالىق كوماندالىق-شتابتىق وقۋ-جاتتىعۋلارى ءوتتى. شاراعا مەملەكەتتىك ورگانداردىڭ ءبىرىنشى باسشىلارى قاتىستى، دەپ حابارلايدى اقورلا. 

"وقۋ-جاتتىعۋ بارىسىندا ەلىمىزگە تونەتىن سىرتقى قاتەرلەردى بولدىرماۋ ءۇشىن اسكەري جانە اسكەري ەمەس سيپاتتاعى مەملەكەتتىك شارالاردى جۇزەگە اسىرۋ ماسەلەلەرى پىسىقتالدى", - دەلىنگەن اقپاراتتا.

مەملەكەت باسشىسىنا وقۋ-جاتتىعۋلاردىڭ نەگىزگى مىندەتتەرى مەن كەزەڭدەرى تۋرالى مالىمەت بەرىلدى. اتالعان وقۋ-جاتتىعۋلار قازىرگى سىن-قاتەرلەردى ەسكەرە وتىرىپ، قازاقستان رەسپۋبليكاسىنىڭ قورعانىس جۇيەسى مەن اسكەري قاۋىپسىزدىگىن ساقتاۋ ماقساتىندا ۆەدومستۆوارالىق ءىس-قيمىلداردى نىعايتۋعا باعىتتالعان.

توقاەۆ اسكەري قاۋىپسىزدىك سالاسىنداعى نورماتيۆتىك-قۇقىقتىق اكتىلەردى جەتىلدىرۋ، سونداي-اق قورعانىس جۇيەسى الدىنداعى مىندەتتەردى شەشۋ ءۇشىن مەملەكەتتىك ورگانداردى دايىنداۋ شارالارىن جولعا قويۋ جونىندە بىرقاتار تاپسىرما بەردى.

وقۋ-جاتتىعۋ سوڭىندا مەملەكەت باسشىسى وزدەرىنىڭ اسكەري بورىشتارىن اتقارۋ كەزىندە قازا تاپقان قازاقستان ارمياسىنىڭ ساربازدارى مەن وفيتسەرلەرىنىڭ رۋحىنا تاعزىم ەتتى.

 

سوڭعى جاڭالىقتار