22 قاراشا, 14:48 444 0 رۋحانيات انار لەپەسوۆا

قر ۇلتتىق مۋزەيىندە «ۇلى دالا مۇراسى» مۋزەيلىك شەرۋى وتەدى

2019 جىلعى 29 قاراشادا  قازاقستان رەسپۋبليكاسى ۇلتتىق مۋزەيىنىڭ 5 جىلدىعىنا وراي «ۇلى دالا مۇراسى» مۋزەيلىك شەرۋى وتەدى. مۋزەي كەشىنە كەلگەن استانالىقتار مەن قالا قوناقتارى ۇلتتىق مۋزەيگە تەگىن كىرىپ، ءتۇرلى شارالاردى تاماشالاي الادى.

شارانىڭ ماقساتى - ۇلتتىق كودقا نەگىز بولاتىن ۇلتتىق قۇندىلىقتاردى، حالقىمىزدىڭ تاريحىن، مادەنيەتىن، سالت-ءداستۇرىن زاماناۋي فورماتتا تانىتىپ، مۇراجاي قىزمەتىن، ونداعى ەكسپوناتتار مەن جاۋھار جادىگەرلەردى كەڭىنەن ناسيحاتتاۋ.

مۇراجاي، مۋزەي – تاريحي-عىلىمي دەرەك رەتىندەگى ەسكەرتكىشتەردى، ونەر تۋىندىلارىن، مادەني قۇندىلىقتاردى، ت.ب. مۇرالاردى ساقتاپ، جيناقتاپ، عىلىمي-تانىمدىق قىزمەت اتقاراتىن مەكەمە. مۇراجاي جيناقتالعان ەكسپوناتتاردى ساقتاپ قانا قويماي، زاتتىق جانە رۋحاني قۇندىلىقتاردى تانىتىپ، زەرتتەپ، مازمۇنىن ناسيحاتتاپ، وسى نەگىزدە ءتالىم-تاربيە بەرۋدە ماڭىزدى ءرول اتقارادى. مۇراجاي عىلىمنىڭ، ءبىلىمنىڭ، مادەنيەتتىڭ قالىپتاسۋىنا ىقپال ەتەتىن عىلىمي مەكەمە رەتىندە وسكەلەڭ ۇرپاقتىڭ تاربيەسىنە، تاريحي سانانىڭ قالىپتاسۋىنا ىقپال ەتەدى. ۇلتتىق مۋزەيدە اتالعان باعىت بويىنشا ءتۇرلى جوبالار جۇزەگە اىسىرىلىپ كەلەدى. كوپشىلىك نازارىنا العاش رەت ۇسىنىلىپ وتىرعان «ۇلى دالا مۇراسى» جوباسى كوپشىلىكتى قوعامنىڭ مادەني سالاسىمەن بايلانىستىرىپ،  مۇراجاي ءومىرىن تانىتۋدى كوزدەيدى.

مۋزەي شەرۋى بارىسىندا سۋرەتشى، گيپەررەاليست-ءمۇسىنشى، «100 جاڭا ەسىم» جوباسىنىڭ «مادەنيەت» نوميناتسياسى بويىنشا جەڭىمپازى ايدوس ەسماعامبەتوۆتىڭ گريمدەۋى ۇيىمداستىرىلادى. «ەجەلگى جانە ورتاعاسىرلار تاريحى» زالىندا وتەتىن «جاندانعان بازار: «اباي» قويىلىمى، اسەم بالل ءبيى، تسيرك ارتىستەرىنىڭ شوۋى جۇرگىزىلەدى. «مىسىر ۇلتتىق مۋزەيدە» جانە «Quintessence» اتتى توپتىق كورمەلەرىنىڭ اشىلۋى، سونىمەن قاتار ءار زالدا  تەترلاندىرىلعان كورىنىستەر، ەتنو-كوللەكتسيا بويىنشا دەفيلە، قازاقشا قول كۇرەس، «اسىعىڭ الشىسىنان ءتۇسسىن!» ۇلتتىق ويىندارى وتەدى.

بۇل كەشتىڭ ەرەكشەلىگى قازاقستان كاسىپورىندارى، اتاپ ايتساق، «Green products» جشس «G-life» اۋىز سۋىن جانە «ناتيجە» فيرماسى ءسۇت تاعامدارىن  ۇسىنادى.

مۋزەيلىك كەشتىڭ اشىلۋ سالتاناتىندا كونتسەرتتىك باعدارلاما، ارت پازل قۇراستىرۋ، قولونەر جۇمىستارى بويىنشا اشەكەيلەر جاساۋ، اعاش ويۋ، قىش ىدىستاردار جاساۋ، شەبەرلىك ساباقتارى، مۋزەي زالدارى بويىنشا شولۋ ەكسكۋرسيالار جۇرگىزىلەدى.

سوڭعى جاڭالىقتار