22 قاراشا, 10:32 429 0 ىشكى ساياسات Túrkistan Gazeti

جاڭا باعدارلاما ىسكە قوسىلماق

يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ۇكىمەت وتىرىسىندا باسپانا بەرۋ ماسەلەسىن شەشۋگە باعىتتالعان جاڭا تۇرعىن ءۇي باعدارلاماسىنىڭ قۇرىلعانىن ايتتى.

– جاڭا تۇرعىن ءۇي ساياساتى بويىنشا باسپانا حالىقتىڭ تابىسىنا قاراي بەرىلەتىن بولادى. وتباسىنىڭ جالپى تابىسى ءبىر مۇشەسى ءۇشىن ەڭ تومەنگى كۇنكورىس دەڭگەيىمەن بىردەي (29 مىڭ 700 تەڭگە) ازاماتتارعا، جەتىم بالالارعا، 1 جانە 2-توپتاعى مۇگەدەكتەر، زەينەتكەرلەرگە جالدامالى پاتەر بەرىلەدى. ال ەكى كۇنكورىس دەڭگەيىمەن تەڭ (59 مىڭ 400 تەڭگە) كەزەكتە تۇرعان ازاماتتارعا «باقىتتى وتباسى» باعدارلاماسى ارقىلى باسپانا بەرىلەدى. ال 3,1 كۇنكورىس مينيمۋمىنا تەڭ (92 مىڭ تەڭگەگە دەيىن) وتباسىلاردىڭ «5-20-25» باعدارلاماسىنا قاتىسۋعا مۇمكىندىگى بار. اكىمدىكتىڭ نەسيەلىك باسپاناعا ۇمىتكەر توپتارىنا – اسكەري قىزمەتكەرلەر، مەملەكەتتىك قىزمەتكەرلەر، دارىگەرلەر مەن مۇعالىمدەر، قۇقىق قورعاۋ ورگانى قىزمەتكەرلەرىنىڭ بۇل باعدارلاماعا قاتىسۋعا مۇمكىندىگى زور، – دەدى بەيبىت اتامقۇلوۆ.

جاڭا باعدارلامانىڭ يپوتەكالىق زايمى 5 پايىزدىق مولشەرلەمەمەن 25 جىلعا بەرىلەدى. ال باستاپقى جارنا مولشەرى باسپانا باعاسىنىڭ 20 پايىزىن قۇرايدى. جاڭا «5-20-25» باعدارلاماسىنا وتباسىنىڭ ءاربىر مۇشەسىنىڭ تابىسى 92 مىڭعا دەيىنگى جانۇيالار قاتىسا الادى.

 

ارايلىم جولداسبەكقىزى

سوڭعى جاڭالىقتار