22 قاراشا, 10:30 401 0 قوعام اسەل انۋاربەك

جىلدام ءۇي سالۋعا مۇمكىندىك بەرەتىن قوندىرعى

«يننوۆاتسيالاردى ىنتالاندىرۋ: عىلىم مەن بيزنەستى كووپەراتسيالاۋ». ءدال وسىنداي اتاۋمەن نۇر-سۇلتان قالاسىندا وتكەن كونفەرەنتسيادا بىرەگەي ونەرتابىس – قۇرىلىس ماتەريالدارىن وندىرەتىن موبيلدىك زاۋىت تانىستىرىلدى.

كونفەرەنتسيا ءبىلىم جانە عىلىم مينيسترلىگى مەن دۇنيەجۇزىلىك بانكتىڭ مۇرىندىق بولۋىمەن «ءونىمدى يننوۆاتسيالاردى ىنتالاندىرۋ» جوباسى اياسىندا ءوتتى. بۇل شارا – قازاقستانداعى عىلىمي جەتىستىكتەردى كوممەرتسيالاندىرۋدىڭ تابىستى تاجىريبەلەرىن تانىستىرۋ ءۇشىن ماڭىزدى وقيعا. شارادا قازاقستاندىق عىلىمي جەتىستىكتەردى كوممەرتسيالاندىرۋدىڭ تابىستى تاجىريبەسى كورسەتىلدى. وسىنداي ونەرتابىستاردىڭ  ءبىرى – Ideal systems كومپانياسىنىڭ موبيلدىك زاۋىتى. جوبا اۆتورلارىنىڭ ايتۋىنشا، ءبىر عانا قوندىرعىنىڭ كومەگىمەن قازاقستان مەن الەمنىڭ كەز كەلگەن نۇكتەسىندە تولىققاندى ءۇي سالۋعا بولادى.

«ءبىزدىڭ جوبانىڭ ماڭىزدىلىعى – قۇرىلىس ماتەريالدارىن شىعارۋ بويىنشا ءموبيلدى قوندىرعى قۇرا الامىز، ونى قازاقستاننىڭ كەز كەلگەن جەرىنە (بارلىق وڭىرگە) تىكەلەي قۇرىلىس ورنىنا ورناتۋعا بولادى. وسىنىڭ ەسەبىنەن قۇرىلىستاعى شىعىنداردى 15-18 پايىزعا قىسقارتۋعا مۇمكىندىك بار. كەڭەس ۋاقىتىندا كولىكتىك جەتكىزۋ وتە ارزان بولعاندىقتان، 300 شاقىرىمنان استام قاشىقتىقتا قۇرىلىس ماتەريالدارىن جەتكىزۋ ەكونوميكالىق تۇرعىدان ءتيىمسىز دەپ ەسەپتەلدى.  بۇل تەحنولوگيا فينليانديادا ويلاپ تابىلدى، ءبىز ونى قابىلداپ، جاڭعىرتتىق. ول ءبىزدىڭ قۇرال-جابدىقتارىمىز ورنالاسقان 20 فۋتتىق كونتەينەردى قۇرىلىس الاڭىنا اكەلىپ جانە بلوكتاردى باسىپ شىعارادى. ءبىزدىڭ قوندىرعى ءبىر اۋىسىمدا 500-600 بلوكتى باسىپ شىعارا الادى»، – دەدى تەحنولوگيانى دامىتۋ جونىندەگى مامان سەرگەي ساحنوۆ. ونىڭ ايتۋىنشا، بۇل قوندىرعى الەۋمەتتىك تۇرعىن ءۇيدى الدەقايدا ارزان جانە جىلدام سالۋعا مۇمكىندىك بەرەدى. اتالعان تەحنولوگيانىڭ ارقاسىندا الەۋمەتتىك باسپانالاردى تەز جانە ساپالى سالۋعا مۇمكىندىك تۋادى.

 

 

سوڭعى جاڭالىقتار