21 قاراشا, 21:23 265 0 مادەنيەت انار لەپەسوۆا

مۇقتاج جانعا كومەك  بەرەر كەش

نۇر-سۇلتان قالاسىندا جەلتوقسان ايىنىڭ 8-ىندە ءحىى قىسقى قايىرىمدىلىق بالى وتەدى. ءداستۇرلى شارا بيىل وسىمەن سەگىزىنشى رەت ۇيىمداستىرىلىپ وتىر. شارانىڭ ۇيىمداستىرۋشىسى – «بولاشاق» قايىرىمدىلىق قورى.

بال قىسقى ەرتەگى جەلىسىمەن وتەدى. ادەتتەگىدەي، كەش دەبيۋتانتتاردىڭ ورىنداۋىنداعى تاماشا بيمەن اشىلادى. بۇل جولى بالعا قاتىسۋشىلار كلاسسيكالىق ۆالستەن باستاپ ارگەنتينالىق تانگوعا دەيىن بيلەيتىن بولادى. سونىمەن قاتار بيىل دا ادەتتەگىدەي ەرەكشە تۋىندىلار اۋكتسيونعا قويىلىپ، باعالى سىيلىقتار ويناتىلادى.

ەڭ باستىسى، قىسقى قايىرىمدىلىق بالىنا قاتىسۋ ارقىلى دامۋىندا اۋىتقۋى بار (اۋتيزم، بتسس، داۋن سيندرومى سىندى اۋرۋلارمەن اۋىراتىن) بالالارعا ارنالعان ينكليۋزيۆتى جوبالاردىڭ ىلگەرىلەۋىنە ۇلەس قوسا الاسىز. ويتكەنى بالدان تۇسكەن بارلىق قاراجات «ءار بالا مەكتەپكە لايىقتى»  جانە «جول ءجۇرۋ گرانتتارى» باعدارلامالارىن جۇزەگە اسىرۋعا جۇمسالادى. ايتا كەتەيىك، «ءار بالا مەكتەپكە لايىقتى» جوباسى ءبىلىم بەرۋ ۇيىمدارىندا اۋتيزممەن اۋىراتىن بالالارعا ينكليۋزيۆتى ءبىلىم بەرۋ مودەلىن ەنگىزۋدى كوزدەيدى. ال «جول ءجۇرۋ گرانتتارى» جوباسى تالانتتى جاسوسپىرىمدەردى قولداۋعا باعىتتالعان. ياعني، وبلىستىق، رەسپۋبليكالىق نەمەسە حالىقارالىق بايقاۋلارعا قاتىسۋعا مۇمكىندىگى بولا بەرمەيتىن بالالار ءۇيىنىڭ تاربيەلەنۋشىلەرىنە، ينتەرناتتار مەن مەكتەپتە ءبىلىم الاتىن وقۋشىلارعا كومەك قولىن سوزادى.

 

 

 

 

 

سوڭعى جاڭالىقتار