21 قاراشا, 21:21 290 0 نۇر وتان Túrkistan Gazeti

پارتيا جۇيەلى  جاڭعىرۋ جولىندا

قوعامدىق ساياسات ينستيتۋتى قاراشا ايىندا جۇرگىزىلگەن الەۋمەتتىك زەرتتەۋ ناتيجەلەرىن جاريالادى. ءباسپاسوز-بريفينگى بارىسىندا جۋرناليستەرگە قوعامدىق پىكىردى باعالاۋدىڭ نەگىزگى كورسەتكىشتەرى وسى جىلدىڭ تامىز ايىنداعى كورسەتكىشتەرمەن سالىستىرا وتىرىپ ۇسىنىلدى. سونداي-اق قازاقستاندىقتار Nur Otan پارتياسىنان نە كۇتەتىنى تۋرالى دا ءسوز بولدى.

ينستيتۋت ديرەكتورى يۋليا كۋچينسكايانىڭ مالىمدەۋىنشە، ساۋالناما قورىتىندىسى بويىنشا Nur Otan پارتياسى ءبىرىنشى كەزەكتە باقىلاۋعا الۋى ءتيىس ايماقتارداعى ەڭ نەگىزگى 5 ماسەلە انىقتالدى. اتاپ ايتقاندا، بۇل – جالاقىنى كوتەرۋ، سىبايلاس جەمقورلىققا قارسى كۇرەس، ءبىلىم بەرۋ جانە دەنساۋلىق ساقتاۋ سالاسىنداعى ماسەلەلەردى شەشۋ، سونىمەن قاتار الەۋمەتتىك تەڭسىزدىككە قارسى كۇرەس.

«قاراشادا ءبىز قوعامدىق-ساياسي احۋال مەن ناقتى Nur Otan پارتياسىنا دەگەن پىكىرگە كەزەكتى رەت زەرتتەۋ جۇرگىزدىك. ساۋالناماعا ەلىمىزدىڭ بارلىق ايماعىنىڭ رەسپوندەنتتەرى قاتىسىپ، ول face to facە (بەتپە-بەت) تۇرىندە جۇرگىزىلدى. پارتيا رەيتينگىسىنىڭ ديناميكاسىن زەردەلەۋگە، ونىڭ قىزمەتىن باعالاۋعا، قازاقستاندىقتاردىڭ پارتيادان نە كۇتەتىنىنە باستى نازار اۋدارىلدى»، – دەدى يۋليا كۋچينسكايا.

ونىڭ ايتۋىنشا، پارتيانىڭ جۇمىسىن قايتا جانداندىرۋ تۋرالى حابارلانعاننان بەرى ارادا از ۋاقىت وتسە دە، ساۋالنامالار وڭ وزگەرىستەردى كورسەتتى. Nur Otan-نىڭ ەلەكتورالدىق رەيتينگى 10 پايىزعا ءوستى.

«جۇرگىزىلگەن الەۋمەتتىك زەرتتەۋلەرگە سۇيەنە وتىرىپ، ەگەر پارتيا حالىقپەن ديالوگ ورناتىپ،  تۇرعىندار الدىندا ۇنەمى ەسەپ بەرىپ، تىڭ باستامالار كوتەرسە جانە سايلاۋعا قاراپايىم حالىقتىڭ ءوز ىشىنەن شىققان ادامداردى ۇسىناتىن بولسا، قازاقستاندىقتار Nur Otan-دى قولداۋعا دايىن دەپ قورىتىندى جاساۋعا بولادى. مۇنىڭ بارلىعى نۇرسۇلتان نازارباەۆتىڭ باستاماسىمەن قولعا الىنعان قايتا جانداندىرۋ اياسىندا، سوڭعى بىرنەشە اي بويى Nur Otan جۇزەگە اسىرىپ كەلە جاتقان نەگىزگى باعىتتار. Nur Otan-نىڭ ەلەكتورالدىق رەيتينگى 10 پايىزى ءوستى. تامىز ايىندا ساۋالناماعا قاتىسقانداردىڭ 55,3 پايىزى سايلاۋدا پارتيانى قولداۋعا دايىن بولسا، ال قازىر ازاماتتاردىڭ 65,8 پايىزى Nur Otan-عا داۋىس بەرۋگە نيەتتى»، – دەدى ول.

سونىمەن قاتار يۋليا كۋچينسكايا Nur Otan پارتياسى ازاماتتار ءوز قۇقىعى بۇزىلعان جاعدايدا شاعىمداناتىن توپ-5 ينستيتۋتتىڭ قاتارىنان ويىپ ورىن العانىن ايتتى. بۇل بەستىكتىڭ كوشىن 45,4 پايىزبەن سوت جۇيەسى باستاسا،  ال ەكىنشى ورىندا 27,2 پايىزبەن  Nur Otan پارتياسى تۇر. مۇنىڭ ءوزى ازاماتتاردىڭ پارتياعا دەگەن سەنىمىن كورسەتەدى.

«جالپى، ساۋالناماعا قاتىسقان ءاربىر ءۇشىنشى ادام پارتيانىڭ جۇمىسى سوڭعى 6 ايدا ايتارلىقتاي جاقسارعانىن جەتكىزدى. ولاردىڭ 41,8 پايىزى پارتيا حالىق ءۇشىن وزەكتى ماسەلەلەردى كوتەرەدى دەپ ەسەپتەيدى. بۇل سونداي-اق ايماقتارداعى جۇمىس قارقىنىنىڭ ارتۋىمەن دە بايلانىستى. 14 قالا مەن اۋداندا پارتيانىڭ كادرلىق رەزەرۆىنە پيلوتتىق رەجيمدە ىرىكتەۋ جۇرگىزىلدى. بارلىق ەلدى مەكەندەردە تۇيتكىلدى ماسەلەلەر مەن ولاردى شەشۋ جولدارىنىڭ كارتاسىن جاساۋ جۇمىستارى باستالدى. قوعامدىق قابىلداۋ بولمەلەرىنىڭ، سىبايلاس جەمقورلىققا قارسى كۇرەس، بالالاردىڭ، كوپبالالى جانە از قامتىلعان وتباسىلاردىڭ قۇقىعىن قورعاۋ جونىندەگى پارتيالىق قۇرىلىمداردىڭ جۇمىسىن كۇشەيتۋ دە نازاردان تىس قالعان جوق»، – دەپ تولىقتىردى قوعامدىق ساياسات ينستيتۋتىنىڭ ماماندارى.

 

ارايلىم جولداسبەكقىزى

سوڭعى جاڭالىقتار