21 قاراشا, 13:57 297 0 الەۋمەت انار لەپەسوۆا

الماتىدا كوپقاباتتى ۇيلەردىڭ بۇرىشىن قاپتاۋعا تىيىم سالىنادى

الماتىدا جاڭا ديزاين-كود ەرەجەلەرىنىڭ ەنگىزىلۋىنە بايلانىستى بۇرىشتا ورنالاسقان پاتەر يەلەرىنە ۇيلەرىن سىرتىنان قاپتاۋعا تىيىم سالىنادى.

بۇل ماسەلەنى Facebook جەلىسىندە قالا تۇرعىنى كوتەرگەن بولاتىن. ول «اقساي-4» شاعىن اۋدانىندا ورنالاسقان كوپقاباتتى ءۇيدىڭ سۋرەتىن جاريالادى، دەپ حابارلايدى "الماتى" ارناسى.

بۇرىشتاعى پاتەر يەلەرى ۇيلەرىن پەنوپلاستپەن قاپتاعان. قالالىق جوسپارلاۋ جانە ۋربانيستيكا باسقارماسى بۇل ماسەلەگە قاتىستى پىكىر ءبىلدىردى. ايتۋلارىنشا، بولاشاقتا ورتاق ەرەجەلەر - ديزاين كودى ەنگىزىلگەننەن كەيىن تۇرعىندار تيپتىك نورماعا ساي ۇيلەرىنىڭ سىرتقى كەلبەتىن وزدەرى قاداعالايتىن بولادى. ول كەزدە ورتاق ارحيتەكتۋرالىق قاسبەتكە قارسى شىعىپ، باسقاشا جاساۋ مۇمكىن بولمايدى. ەسكە سالا كەتەيىك، الماتىنىڭ ديزاين كودى تۋرالى تىڭدالىم جەلتوقسان ايىندا وتەدى.

 

سوڭعى جاڭالىقتار