21 قاراشا, 10:44 327 0 قوعام انار لەپەسوۆا

تۇركىمەنستاندىقتار سوڭعى 19 جىلدا العاش رەت وپەرا تاماشالادى

تۇركىمەنستاندا وپەراعا تىيىم سالىنعان 19 جىلدان كەيىن ءبىرىنشى رەت اشعابادتىڭ مەملەكەتتىك تەاترىندا يتاليالىق كومپوزيتور رۋدجەرو لەونكاۆاللونىڭ "پاياتسى" شىعارماسى قويىلدى. بۇل تۋرالى ورتالىق ازيانىڭ جاڭالىقتار قىزمەتى حابارلادى. 

ەلدىڭ ءبىرىنشى پرەزيدەنتى ساپارمۇرات نيازوۆ تۇسىندا وپەرا مەن بالەتكە مۇلدەم تىيىم سالىنعان. بۇل ونەر تۇرلەرىن تۇركىمەن مەنتاليتەتىنە جات دەپ ساناپ كەلگەن.

يتاليا مەن تۇركىمەنستان اراسىنداعى مادەنيەت الماسۋ باعدارلاماسى اياسىندا قويىلعان وپەرا انشلاگپەن وتكەن. وندا يتاليالىق ارتىستەرمەن بىرگە تۇركىمەننىڭ باريتون داۋىستاعى وپەرا ءانشىسى امانگەلدى امانوۆ تا ونەر كورسەتكەن. ول سوڭعى رەت 2001 جىلدىڭ ناۋرىز ايىندا ساحناعا شىققان.

تۇركىمەنستاننىڭ ءبىرىنشى باسشىسى ساپارمۇرات نيازوۆ 2001 جىلى ۇلتتىق ونەردى قورعايمىن دەپ، وپەرا مەن بالەتكە تىيىم سالعان. ونىڭ مۇراگەرى، نيازوۆتىڭ جەكە ءتىس ەمدەۋشىسى بولعان گۋربانگۋلى بەردىمۇحامەدوۆ 2006 جىلى بيلىككە كەلگەننەن كەيىن دە بۇل ونەرگە تىيىم سالۋدى جالعاستىردى.

سوڭعى جاڭالىقتار