21 قاراشا, 10:39 284 0 ايماق انار لەپەسوۆا

الماتى اكىمى قالا تۇرعىندارىنا ۇندەۋ جولدادى

بۇگىن الماتى اكىمى باقىتجان ساعىنتاەۆ ءوزىنىڭ Instagram پاراقشاسىندا «الماتى-2050» دامۋ ستراتەگياسىن قالا تۇرعىندارىنىڭ تالقىسىنا ۇسىندى.

ءسوز باسىندا قالا اكىمى ەلباسى تاپسىرماسىنا سايكەس ازىرلەنگەن اسا ماڭىزدى قۇجاتتىڭ ەلىمىزدەگى ەڭ ءىرى مەگاپوليس – الماتىنىڭ جان-جاقتى دامۋ باعدارىن ايقىندايتىنىن تىلگە تيەك ەتتى.

«وزدەرىڭىزگە بەلگىلى، قالا باسشىلىعىنا تاعايىندالعالى بەرى سىزدەرمەن بىرگە ەكولوگيا، قاۋىپسىزدىك، سۋمەن قامتاماسىز ەتۋ جانە تاعى دا باسقا سول سەكىلدى كەزەك كۇتتىرمەيتىن وزەكتى ماسەلەلەردى كۇن تارتىبىندە قاراستىرىپ كەلەمىز. قالامىزدىڭ شەت ايماقتارىن دامىتۋعا باعىتتالعان «جاڭا الماتى» جوباسى ازىرلەندى. «ۇلكەن الماتىنى» قۇرۋ مەن اگلومەراتسيالاردى دامىتۋ جوسپارىن ناقتىلاي تۇستىك. كۇنى كەشە بۇل جوبالار جونىندە مەملەكەت باسشىسىنا باياندادىم. سونداي-اق، الداعى ۋاقىتتا دا قالا تۇرعىندارىن بۇقارالىق اقپارات قۇرالدارى ارقىلى كەڭىرەك اقپاراتتاندىرۋعا تىرىسامىن»، - دەپ جازدى قالا اكىمى.

ايتا كەتۋ كەرەك، بۇل – الداعى 3-5 جىلعا دەيىنگى جۇمىس جوسپارلارىن قامتيتىن ۇزاق مەرزىمدى ستراتەگيالىق قۇجات.

وسى رەتتە باقىتجان ساعىنتاەۆ بۇل قۇجات جوباسىنىڭ كاسىبي ماماندارمەن، ساراپشىلارمەن بىرلەسە وتىرىپ ازىرلەنىپ، ىسكەرلىك قوعام كوميتەتتەرىنىڭ، قوعامدىق كەڭەس مۇشەلەرى مەن قالا بەلسەندىلەرىنىڭ قاتىسۋىمەن جان-جاقتى تالقىلانعانىن جەتكىزدى.

ءسوز سوڭىندا اكىم الماتى الەمنىڭ 100 دامىعان قالالارىنىڭ قاتارىنا ەنۋى ءۇشىن ءار تۇرعىنىنىڭ پىكىرى ماڭىزدى ەكەنىن اتاپ ءوتتى.

«الماتى-2050» ستراتەگياسى – ناق وسى تالاپتارعا سايكەستەندىرىلگەن قۇجات. بۇل وزگەرىستەرگە  دايىن بولىپ، كۇردەلى سۇراقتارعا جەدەل جاۋاپ بەرۋ مەن ۋربانيزاتسيا داعدارىسىنىڭ الدىن الۋعا جاسالعان ناقتى قادام»، – دەدى باقىتجان ساعىنتاەۆ.

سوڭعى جاڭالىقتار