20 قاراشا, 22:11 300 0 جاھان انار لەپەسوۆا

گونكونگتاعى قاقتىعىس كەزىندە قازاقستان ازاماتى ۇستالدى

18 قاراشادا نارازىلىق بىلدىرۋشىلەرمەن قاقتىعىس كەزىندە  گونكونگ باپتيست ۋنيۆەرسيتەتىنىڭ ءبىرىنشى كۋرسىندا وقيتىن قازاقستان ازاماتى ۇستالدى. بۇل تۋرالى قر ءسىم ءباسپاسوز قىزمەتى حابارلادى.

كونسۋل ءبىزدىڭ ازاماتىمىزبەن كەزدەستى، ونىڭ دەنساۋلىق جاعدايى تۇراقتى. ونى ۇستاۋ كەزىندە قۇلاۋ سالدارىنان وڭ قولىنىڭ شىنتاعى ازداپ جىرىلعان. ۋاقىتشا تەرگەۋ يزولياتورىنداعى جاعدايعا شاعىمى جوق. بۇگىن ۇستالعان ستۋدەنتتىڭ ءىسى بويىنشا الدىن الا تىڭداۋلار ءوتتى. قازىرگى ۋاقىتتا باس كونسۋلدىق بۇل ءىستى ەرەكشە باقىلاۋعا الىپ، ديپلوماتتار ءبىزدىڭ ازاماتتىڭ قۇقىقتارىنىڭ ساقتالۋىن قاداعالايتىن بولادى، - دەلىنگەن حابارلامادا.

سونىمەن قاتار، ديپلوماتتار قىلمىستىق ىستەر بويىنشا ادۆوكاتتى ىزدەستىرۋدە. سوڭعى ۋاقىتتا گونكونگتا 4 مىڭنان استام ادام ۇستالىپ، جاپپاي قاماۋعا الىنۋىنا بايلانىستى ادۆوكاتتاردىڭ جەتىسپەۋشىلىگى بايقالادى. سونىمەن قاتار، سىرتقى ىستەر مينيسترلىگى گونكونگتا وقىپ جاتقان بارلىق ستۋدەنتتەرگە قازاقستانعا ورالۋدى ۇسىنادى.

سوڭعى جاڭالىقتار