20 قاراشا, 21:58 318 0 قاۋىپسىزدىك انار لەپەسوۆا

سوت الماتىدا تەرروريزمدى ناسيحاتتاعان 8 ادامنىڭ اپپەلياتسيالىق ءوتىنىشىن قاناعاتتاندىرعان جوق

الماتى قالاسىندا 5 تامىزدا «تەرروريزمدى ناسيحاتتادى» جانە «ءدىني ارازدىق قوزدىردى» دەپ سوتتالعان 8 ادامنىڭ ءوتىنىشىن اپپەلياتسيالىق سوت قاناعاتتاندىرعان جوق. 40 جاستاعى بولاتبەك نۇرعاليەۆ 8 جىلعا، 39 جاستاعى ەرنار ساماتوۆ پەن 36 جاستاعى بەكەت مىڭباسوۆ 7,5 جىلعا سوتتالعان. 27 جاستاعى ازامات ۇمبەتاليەۆ، 34 جاستاعى جاسۇلان ىسقاقوۆ، 32 جاستاعى سامات ءادىلوۆ، 31 جاستاعى نازيم ابدراحمانوۆ جانە 36 جاستاعى ەسىم سۇلەيمەنوۆ «ءدىني ارازدىق قوزدىردى» دەگەن ايىپپەن ارقايسىسى بەس جارىم جىلعا سوتتالدى، دەپ حابارلايدى "الماتى" ارناسى. 

«2019 جىلدىڭ 5 تامىزىندا المالى اۋداندىق سوتىنىڭ نۇرعاليەۆقا، ساماتوۆقا، مىڭباسوۆقا، ۇمبەتاليەۆكە، ىسقاقوۆقا، ادىلوۆكە، ابدراحمانوۆقا جانە سۇلەيمەنوۆكە قاتىستى شەشىمى وزگەرىسسىز قالسىن. سوتتالۋشىلاردىڭ جانە ولاردىڭ قورعاۋشىلارىنىڭ اپپەلياتسيالىق ءوتىنىشى قاناعاتتاندىرۋسىز قالدى», – دەدى الماتى قالالىق سوتىنىڭ سۋدياسى ەرجان كەنەنباەۆ.

ەستەرىڭىزگە سالساق، بولاتبەك نۇرعاليەۆ «تەرروريزم مەن سالافيزم يدەياسىن ناسيحاتتاۋ جانە سالافيزم يدەياسىن ۇستاناتىنداردى كوبەيتۋ ءۇشىن» WhatsApp مەسسەندجەرىندە توپ اشىپ، وزىمەن پىكىرلەس سەگىز ادامدى تىركەگەن.

سوڭعى جاڭالىقتار