20 قاراشا, 21:50 269 0 دەنساۋلىق انار لەپەسوۆا

100 تەڭگە جۇتىپ قويىپ، وڭەشى بىتەلگەن اتىراۋلىق ءبۇلدىرشىن امان قالدى

اتىراۋلىق دارىگەرلەر تاعى ءبىر ءبۇلدىرشىندى اجالدان امان الىپ قالدى، دەپ حابارلايدى قازاقپارات.

18 قاراشادا ساعات تۇنگى ەكى شاماسىندا اتىراۋ وبلىستىق بالالار اۋرۋحاناسىنىڭ قابىلداۋ بولىمىنە 4 جاسار بالا ءتۇستى. العاشقى بەلگىلەرى ونىڭ جاعدايى اۋىر ەكەنىن ايقىندادى. بالانىڭ وڭەش جولدارى بىتەلىپ، تاماق ءجۇرۋى توقتاعان. ونىڭ وڭەشىنە 100 تەڭگەلىك مونەتا تۇرىپ قالعانى انىقتالدى. اۋرۋحانانىڭ كەزەكشىلىكتەگى دارىگەرلەرى ەندوسكوپيست ەربول تولەگەنوۆتى شۇعىل جۇمىسقا شاقىرتقان. ول جەدەل تۇردە ەندوسكوپيالىق قۇرىلعى كومەگىمەن الگى مونەتانى شىعارىپ الدى.

«تۇنگى ەكىلەر شاماسىندا جۇمىستان تەلەفون شالىندى. جاعدايدى تۇسىنگەن بويدا، دەرەۋ اۋرۋحاناعا كەلدىم. ءجۇز تەڭگەلىك مونەتانىڭ ديامەترى كىشكەنتاي بالا تۇرماق، ۇلكەن ادامنىڭ وڭەشىن بىتەپ تاستاي الادى. بىراق، اتا-اناسىنىڭ دەر كەزىندە حابارلاسۋى سەبەپتى، ءبىزدىڭ مامانداردىڭ دەر كەزىندە ءتيىستى شارالاردى جۇزەگە اسىرۋى ارقاسىندا، قاجەتتى مەديتسينالىق پروتسەدۋرا جۇزەگە اسىرىلىپ، بالانى امان الىپ قالدىق. قازىر، بالانىڭ جاعدايى جاقسى», - دەدى دارىگەر ەربول تولەگەنوۆ.

«بالامنىڭ تەڭگەنى قاي كەزدە جۇتىپ قويعانىن بىلمەيمىن، ءبىر بىلەتىنىم، بەت الپەتى وزگەرىپ، جاعدايى ناشارلاي باستاعاندا جەدەل جاردەم شاقىردىم. ايتەۋىر، امان الىپ قالدى بالامدى. سول سەبەپتى، دەرەۋ كەلگەن جەدەل جاردەم قىزمەتكەرلەرىنە دە، ءتيىستى ەم-دومىن جاساعان بالالار اۋرۋحاناسى دارىگەرلەرىنە دە العىسىم شەكسىز»، - دەيدى ءبۇلدىرشىننىڭ اناسى.

سوڭعى جاڭالىقتار