20 قاراشا, 15:12 284 0 ەكولوگيا انار لەپەسوۆا

الماتىداعى بوتانيكالىق باق ءبىلىم جانە عىلىم مينيسترلىگىنىڭ قاراماعىنان الىنادى

الماتى قالاسىنىڭ باس بوتانيكالىق باعى قر بعم قاراماعىنان الىنىپ، وزگە مينيسترلىككە بەرىلەدى. بۇل تۋرالى قر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز حاتشىسى ساكەن دىلداحمەت Facebook جەلىسىندە حابارلادى.

«الماتى قالاسىنىڭ باس بوتانيكالىق باعى (بوتانيكا جانە فيتوينترودۋكتسيا ينستيتۋتى) قازاقستان رەسپۋبليكاسىنىڭ ايرىقشا قورعاۋىنداعى تابيعي اۋماق بولىپ سانالادى. قر ءبىلىم جانە عىلىم مينيسترلىگى عىلىم كوميتەتىنىڭ ۆەدومستۆالىق باعىنىشتى ۇيىمى بولىپ سانالادى. بوتانيكالىق باقتى الماتى اكىمدىگىنىڭ قاراماعىنا وتكىزۋ ماسەلەسى قويىلعان ەمەس. سايكەسىنشە، بۇل جەر ايرىقشا قورعاۋىنداعى تابيعي اۋماق تىزىمىنەن الىنبايدى»، - دەپ ءتۇسىندىردى ساكەن دىلداحمەت.

ونىڭ ايتۋىنشا، قازىرگى ۋاقىتتا ۇكىمەت بوتانيكالىق باقتى قر ءبىلىم جانە عىلىم مينيسترلىگى بالانسىنان شىعارىپ، قر ەكولوگيا، گەولوگيا جانە تابيعي رەسۋرستار مينيسترلىگىنە اۋىستىرۋ ماسەلەسىن قاراستىرۋدا.

 

سوڭعى جاڭالىقتار