19 قاراشا, 11:33 453 0 دەنساۋلىق اسەل انۋاربەك

الماتىلىق مەديتسينا ۇيىمدارىنا 92,5 ملرد تەڭگە تولەندى

جىل باسىنان بەرى مەملەكەتتىك تاپسىرىس شەڭبەرىندە الماتىلىقتارعا تەگىن قىزمەت كورسەتكەن مەديتسينا ۇيىمدارىنا 92,5ملرد تەڭگەدەن استام اقشا تولەندى. بۇل تۋرالى «الەۋمەتتىك مەديتسينالىق ساقتاندىرۋ قورى» كەاق الماتى فيليالى حابارلادى.

حابارلاماعا سۇيەنسەك، اتالعان قاراجات مەملەكەتتىك تاپسىرىس بويىنشا كورسەتىلىپ جاتقان تەگىن مەديتسينالىق كومەك ءۇشىن تولەنىپ وتىر. ساقتاندىرۋ پاكەتى شەڭبەرىندە قىزمەت كورسەتۋ 2020 جىلى باستالادى.

ەستەرىڭىزگە سالا كەتسەك، مەديتسينالىق ساقتاندىرۋ قورى  2018 جىلدان بەرى مەملەكەتتىك بيۋدجەتتەن قارجىلاندىرىلاتىن كەپىلدەندىرىلگەن تەگىن كومەك پاكەتىنىڭ وپەراتورى بولىپ تابىلادى. 2020 جىلدان باستاپ قور مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن قىزمەتتەردىڭ اقىسىن تولەي باستاماق.

جالپى، الماتى قالاسىندا 178 مەديتسينا ۇيىمى مەديتسينالىق ساقتاندىرۋ قورىمەن مەملەكەتتىك تاپسىرىستى ورىنداۋ جونىندە كەلىسىمشارت بەكىتكەن. ونىڭ باسىم بولىگى – جەكە مەنشىك كلينيكالار. 2019 جىلعا بەكىتىلگەن كەلىسىمشارتتىڭ جالپى سوماسى 117,3 ملرد تەڭگەنى قۇراپ وتىر.

سوڭعى جاڭالىقتار