20 قاراشا, 10:43 282 0 ەكونوميكا انار لەپەسوۆا

سالىقتىق بەرەشەگى بار ازاماتتاردىڭ ءتىزىمى جاريالاندى

نۇر-سۇلتان قالاسى بويىنشا مەملەكەتتىك كىرىستەر دەپارتامەنتى 2019 جىلدىڭ 3 قاراشاسىنداعى جاعداي بويىنشا 1 ملن تەڭگەدەن جوعارى سالىق تولەۋدەن قارىزى بار ازاماتتاردىڭ جاڭارتىلعان ءتىزىمىن ۇسىندى.

مەملەكەتتىك كىرىستەر دەپارتامەنتى مۇلىك، جەر جانە كولىك سالىقتارىن تولەمەگەن  جاعدايدا  جەكە تۇلعالارعا سالىقتىق بەرەشەك جانە ءوسىمپۇل وتەۋ قاجەتتىلىگىن ەسكەرتەدى.

سالىقتىق بەرەشەك  تۋرالى  حابارلاما  سالىق تولەۋشىگە  سالىق بەرەشەگى ەسەپتەلگەن  كۇننەن باستاپ 20 جۇمىس  كۇنىنەن كەشىكتىرمەي  جىبەرىلەدى. ەگەردە  حابارلاما العان كۇننەن  باستاپ  30 جۇمىس  كۇنىندە جەكە تۇلعا بەرەشەگىن وتەمەگەن جاعدايدا سالىق بەرەشەگىن ءوندىرىپ الۋ تۋرالى بۇيرىق  شىعارىلىپ، 5  جۇمىس  كۇن ىشىندە جەكە تۇلعاعا  جولدانادى.

ەگەر جەكە تۇلعا سالىقتىق بۇيرىقتى العاننان كەيىن 5 جۇمىس  كۇنى ىشىندە بەرەشەگىن وتەمەسە، اتالعان بۇيرىق سوت ورىنداۋشىلارعا ماجبۇرلەپ وندىرىلۋىنە جىبەرىلەدى. سوت ورىنداۋشى  سالىقتىق بۇيرىقتى  العاننان باستاپ ماجبۇرلەپ ءوندىرۋ  جۇمىسىن باستايدى، جۇمىستى اتقارۋ بارىسىندا جەكە تۇلعانىڭ مۇلىگىنە، جەر جانە كولىكتەرىنە، جەكە شوتتارىنا،  سونىمەن قاتار شەتەلدەرگە شىعۋىنا شەكتەۋ قويىلادى، - دەلىنگەن حابارلامادا.

سونىمەن قاتار، مەملەكەتتىك كىرىستەر دەپارتامەنتى جەكە تۇلعاعا سالىقتىق بەرەشەكتەرىن وتەۋدەن باسقا سوت ورىنداۋشىعا بەرەشەك سوماسىنىڭ 20% قىزمەتتىك اقىسىن تولەۋ قاجەتتىلىگى تۋىندايتىنىن ەسكەرتەدى.

1 ملن تەڭگەدەن جوعارى سالىق تولەۋدەن قارىزى بار ازاماتتاردىڭ جاڭارتىلعان تىزىمىمەن مىنا جەردەن تانىسۋعا بولادى.

سوڭعى جاڭالىقتار