20 قاراشا, 10:29 326 0 قوعام انار لەپەسوۆا

ەلىمىزدە نوۋتبۋكتار، تەلەديدارلار مەن سمارتفونداردىڭ باعاسى قىمباتتايدى

وندىرۋشىلەر مەن يمپورتتاۋشىلارعا سالىنعان جاڭا سالىققا بايلانىستى قازاقستاندا سمارتفوندار، تەلەديدارلار مەن نوۋتبۋكتاردىڭ باعاسى قىمباتتاۋى مۇمكىن، دەپ حابارلايدى «حابار 24».

ەندى تاۋار جەتكىزۋشى دىبىس جازاتىن تەحنيكانىڭ ءار داناسى ءۇشىن «انتيپيراتتىق» تولەمگە تاۋار باعاسىنىڭ 0,7%-ءىن اۋدارۋى ءتيىس. بۇل قاراجات ادەتتە شىعارمالارى اقىسىز قولدانىلاتىن دىبىس جانە بەينەجازبا كونتەنتىنىڭ اۆتورلارىنا بەرىلەدى. جالپى ادىلەتتى شەشىم.

الايدا، كومپيۋتەر مەن ۇيالى تەلەفوندار قىمباتتاسا، ودان تەك تۇتىنۋشى زارداپ شەگەدى. ال، اۆتورلارعا بولىنگەن قاراجات ولارعا جەتە مە، الدە ورتا جولدا قالا ما، ول دا كۇماندى. زاڭنىڭ كۇشىنە ەنگەنىنە 2 اي بولسا دا، كاسىپكەرلەردىڭ ءتيىستى قاراجاتتى قاشان بولەتىنى بەلگىسىز.

ايتا كەتۋ كەرەك، تولەم جاسالۋى ءتيىس قۇرىلعىلار ءتىزىمى دە انىق ەمەس. وعان ساندىق قۇرىلعىلاردان بولەك، ءتۇرلى جازبالار ساقتايتىن فلەشكالار دا ەنۋى مۇمكىن.

"ەگەر مۋزىكالىق تۋىندى نەمەسە فيلم جازىلعان ديسك ساتىلسا، بۇل تۋىندىلاردىڭ اۆتورى بار، ستسەناريىن بىرەۋ جازدى، رەجيسسەر ەڭبەك ەتتى. ولارعا اقى تولەنۋ كەرەك. ال، تەلەۆيزور ساتىلسا قانداي اۆتورعا جانە قانشا قاراجات تولەنۋ كەرەك؟ وسى جاعى تۇسىنىكسىز", - دەيدى  كاسىپكەرلەردىڭ قۇقىقتارىن قورعاۋ بويىنشا كەڭەس توراعاسى بايرامالى احمەدوۆ.

سوڭعى جاڭالىقتار