20 قاراشا, 09:45 271 0 دەنساۋلىق انار لەپەسوۆا

بويجەتكەندى قاعىپ كەتكەن پوليتسيا قىزمەتكەرىنىڭ ۇستىنەن قىلمىستىق ءىس قوزعالدى

ورالدا پوليتسيا ءپاترۋلدى كولىكپەن قىزدى قاعىپ كەتكەن. 21 جاستاعى قىز ەسىنەن تانعان كۇيى جەدەل جاردەم اۋرۋحاناعا جەتكىزىلىپتى. بويجەتكەن اۋىر جاراقاتتار العاندىقتان جان ساقتاۋ بولىمىنە ورنالاستىرىلعان، دەپ حابارلايدى  كتك

جول اپاتى كەشكىسىن ورىن العان. كۋاگەرلەردىڭ ايتۋىنشا قىز باعدارشامنىڭ جاسىل تۇسىنە جولدى كەسىپ ءوتىپ بار جاتقان كەزدە قىزىل ءتۇس جانىپتى. بويجەتكەن جولدان ءوتىپ ۇلگەرمەي، ونىڭ ورتاسىندا تۇرعان كەزدە پوليتسەيلەردىڭ ءپاترۋلدى كولىگى قاعىپ كەتكەن. وقيعا ورنىنا كەلىپ جەتكەن جەدەل جاردەم قىزمەتكەرلەرى قىزدىڭ باسىنا اۋىر زاقىم كەلگەنىن انىقتاعان. جەرگىلىكتى پوليتسيا قىزمەتى كولىك تىزگىنى 26 جاستاعى اعا لەيتەناتتىڭ قولىندا بولعانىن جەتكىزدى. ءتارتىپ ساقشىسى قىزمەتىنەن بوساتىلىپ، وعان قارسى قىلمىستىق ءىس قوزعالعان. ونىڭ كومانديرلەرى دە تارتىپتىك جازاعا كەسىلىپتى.

«پوليتسيا قىزمەتكەرى بايمۇقاشەۆكە قارسى سوت الدى تەرگەۋ ءىسى باستالدى. ورىن العان وقيعاعا بايلانىستى بويجەتكەننىڭ تۋىستارىنان قول استىنداعى قىزمەتكەرىم ءۇشىن كەشىرىم سۇرايمىن. ءبىزدىڭ تاراپتان قىزعا كومەك كورسەتىلەتىن بولادى»، - دەدى بقو پد-ءنىڭ باسشىسى ماقسۇدحان ءابلازىموۆ.

سوڭعى جاڭالىقتار