20 قاراشا, 09:38 313 0 زاڭ انار لەپەسوۆا

ادام اعزالارىن زاڭسىز العان: شىمكەنت قالالىق كلينيكاسىنىڭ باس دارىگەرى تۇتقىندالدى

شىمكەنتتىڭ قالالىق №1 كلينيكالىق اۋرۋحاناسىنىڭ باس دارىگەرى، تانىمال ترانسپلانتولوگ، ءبىرىنشى ساناتتى حيرۋرگ ابىلاي دونباي تۇتقىندالدى.

دارىگەر قىلمىستىق كودەكستىڭ ەكى بابىنا سايكەس كۇدىكتى دەپ تانىلىپ وتىر. بۇل تۋرالى ءىىم-ءنىڭ ءباسپاسوز قىزمەتى حابارلادى.

ۆەدومستۆونىڭ مالىمەتىنشە، ابىلاي دونباي 18 قاراشادا تۇتقىندالعان.  تەرگەۋ نۇسقاسى بويىنشا، ول ۇلتارالىق قىلمىستىق توپتىڭ قاتىسۋشىسى بولۋى مۇمكىن. سونىمەن قاتار ادام اعزالارىن زاڭسىز الدى دەپ ايىپتالۋدا.

تەرگەۋ ابىلاي دونباي بۇيرەكتى الۋ جانە ورناتۋ بويىنشا زاڭسىز وتالار جاساعان دەپ توپشىلاپ وتىر. ول وزبەكستان، قىرعىزستان جانە ۋكراينا ازاماتتارىنىڭ بۇيرەگىن ترانسپلانتاتسيا جاساپ، سول ءۇشىن قوماقتى سىياقى العان دەپ كۇدىكتەلۋدە.

قازىرگى ۋاقىتتا كلينيكالىق اۋرۋحانانىڭ باس دارىگەرى ۋاقىتشا ۇستاۋ يزولياتورىندا وتىر.

سوڭعى جاڭالىقتار