19 قاراشا, 11:06 265 0 الەۋمەت انار لەپەسوۆا

11-سىنىپ وقۋشىسى قورادا اسىلىپ قالعان

باتىس قازاقستان وبلىسىندا 11-سىنىپ وقۋشىسى وزىنە قول جۇمسادى. ول ءوز ءۇيىنىڭ اۋلاسىنداعى قورادا اسىلىپ قالعان. بۇل تۋرالى  «موي گورود» پورتالى حابارلادى.

وقيعا قاراشانىڭ 13-ىنە اۋعان ءتۇنى جاڭاقالا اۋدانىندا ورىن العان.

اۋداندىق ءبىلىم بولىمىندەگىلەردىڭ مالىمەتىنشە، ءجاسوسپىرىم جاڭاقالا اۋلىنداعى ءجۇنىسوۆ اتىنداعى مەكتەپتىڭ 11-سىنىبىندا وقىعان.

«ءجاسوسپىرىم تۇندە ءوز ءۇيىنىڭ اۋلاسىنداعى قورادا اسىلىپ قالعان. اكەسى تۇنگى اۋىسىمنان كەلىپ، مالعا جەم بەرۋ ءۇشىن قوراعا كىرگەندە، بالاسىنىڭ دەنەسىن كورگەن. بۇل كەزدە اناسى ورالدا ەمدەلىپ جاتقان. ونىڭ نەلىكتەن مۇنداي قادامعا بارعانى ازىرگە بەلگىسىز. جاقسى وتباسىدان شىققان. اتا-اناسىنىڭ 5 بالاسى بار. سول كۇنى ۇيىندە دە، مەكتەپتە دە ەشقانداي جانجال بولماعان»، - دەيدى ءبىلىم بولىمىندەگىلەر.

سونىمەن قاتار اۋداندىق ءبىلىم بولىمىندەگىلەر ءجاسوسپىرىمنىڭ جاقسى وقىعانىن جانە ۇبت تاپسىرۋعا دايىندالىپ جۇرگەنىن ايتتى. ول حات جازىپ قالدىرماعان.

سوڭعى جاڭالىقتار