18 قاراشا, 22:35 307 0 ساياسات انار لەپەسوۆا

ەلباسى جانسەيىت تۇيمەباەۆقا بىرقاتار ناقتى تاپسىرمالار بەردى

نۇرسۇلتان نازارباەۆ قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆتى قابىلدادى. كەزدەسۋ بارىسىندا قازاقستاننىڭ تۇڭعىش پرەزيدەنتىنە اسسامبلەيانىڭ اتقارىپ جاتقان جۇمىستارى تۋرالى اقپارات بەرىلدى، دەپ حابارلايدى ەلباسىنىڭ رەسمي سايتى. 

– اسسامبلەيا الدىنداعى مىندەتتەر ايقىن. XXVII سەسسيادا قابىلدانعان شەشىمدەر بار. پرەزيدەنت قاسىم-جومارت توقاەۆتىڭ قازاقستان حالقىنا جولداۋىنىڭ باسىم باعىتتارى جاريالاندى. ەندى وڭىرلىك ەتنومادەني بىرلەستىكتەردى تارتا وتىرىپ  جەرگىلىكتى جەرلەردە جۇمىستى ىلگەرىلەتۋ جانە ءتۇسىندىرۋ ماڭىزدى. بارلىق وبلىستاردا ءتيىستى جۇمىستى جولعا قويۋ قاجەت،  - دەدى ەلباسى.

سونىمەن قاتار، نۇرسۇلتان نازارباەۆ قحا جۇمىسىن حالىقارالىق باعىتتا كۇشەيتۋدىڭ ماڭىزدىلىعىنا نازار اۋداردى.

– ءسىزدىڭ تاپسىرمالارىڭىزدى ورىنداۋ ءۇشىن اسسامبلەيا جۇمىسىن جانداندىرۋ بويىنشا بىرقاتار شارا قابىلداندى. نەگىزگى باسىمدىقتى وڭىرلەرگە بەردىك. سوڭعى 2 ايدىڭ ىشىندە 2000-نان استام ءىس-شارا وتكىزىلىپ، 4,5 ميليوننان استام ادام قاتىستى، - دەدى جانسەيىت تۇيمەباەۆ.

كەزدەسۋ سوڭىندا قازاقستان حالقى اسسامبلەياسىنىڭ توراعاسى نۇرسۇلتان نازارباەۆ بىرقاتار ناقتى تاپسىرمالار بەردى.

سوڭعى جاڭالىقتار