18 قاراشا, 10:37 309 0 ءبىلىم انار لەپەسوۆا

قالدىقتاردان پلاستكىرپىش جاساپ شىعارعان اتىراۋلىق وقۋشى ينۆەستور ىزدەستىرۋدە

اتىراۋ قالاسىنداعى نازارباەۆ زياتكەرلىك مەكتەبىنىڭ 10 سىنىپ وقۋشىسى ەرمەك كەڭەسوۆ قۇرىلىس ماتەريالىنىڭ جاڭا ءتۇرىن – پلاستكىرپىشتى ويلاپ تاپتى. قازىرگى تاڭدا وقۋشى پلاستكىرپىشتى كەڭ كولەمدە ءوندىرۋدى جوسپارلاۋدا، دەپ حابارلايدى "موي گورود".

ءجاسوسپىرىمنىڭ سوزىنشە، پلاستيكالىق قالدىقتاردىڭ ەكولوگياعا دەگەن كەرى اسەرىن ازايتۋ ءۇشىن ول بۇل ماسەلەنى شەشۋدىڭ وزىندىك ءتاسىلىن ويلاپ تاۋىپتى.

العاشىندا جاس ونەرتاپقىش پلاستيكالىق زاتتاردىڭ فيزيكالىق جانە حيميالىق قۇرامى تۋرالى اقپاراتتاردى ساراپتاۋدان وتكىزگەن. سودان كەيىن ول پلاستيكالىق قالدىقتى ۇگىتەتىن گيدراۆليكالىق قۇرىلعىنى جاساپ شىعارىپتى. ارتىنشا، پايدا بولعان ءونىمنىڭ فيزيكالىق قاسيەتتەرى تەكسەرىلىپ، ونىڭ قۇرىلىس ماتەريالى بولا الاتىندىعى انىقتالعان.

«سىناقتىڭ ناتيجەسىندە پلاستكىرپىشتىڭ سۋىققا توزىمدىلىگى، سۋ وتكىزبەيتنىگى جانە بەرىكتىگى كادىمگى كىرپىشتەن كەم تۇسپەيدىگى ايقىندالدى»، - دەدى ەرمەك كەڭەسوۆ.

بۇگىنگى كۇنى بۇل قۇرىلىس ءونىمىن كەڭ كولەمدە اينالىمعا وتكىزۋ جوسپارلانعان. ول ءۇشىن ونەرتاپقىش-وقۋشى قاجەتتى ينۆەستيتسيا، شىعىندار مەن كىرىستەر كورسەتىلگەن بيزنەس-جوسپار دا جاساپ قويىپتى.

سوڭعى جاڭالىقتار