17 قاراشا, 20:52 312 0 تۋريزم انار لەپەسوۆا

شىمبۇلاقتا شاڭعى ماۋسىمى اشىلدى

شىمبۇلاقتا بارلىق جابدىقتار جاڭارتىلىپ، تاۋ-شاڭعىسىنىڭ سانى ءۇش مىڭعا دەيىن كوبەيدى. بۇل تۋرالى الماتى اكىمى باقىتجان ساعىنتاەۆ ءوزىنىڭ Instagram پاراقشاسىندا جازدى.

«شىمبۇلاقتا شاڭعى ماۋسىمىن اشتىق. بيىل مۇنداعى جالعا بەرىلەتىن ايماق ەكى ەسەگە ارتتى. بارلىق جابدىقتار جاڭارتىلىپ، تاۋ-شاڭعىسىنىڭ سانى ءۇش مىڭعا دەيىن كوبەيتىلدى. كۇردەلىلىگى ءتۇرلى دەڭگەيدە بولاتىن 25 شاقىرىم تراسسا دايىندالدى.

وتكەن جىلى مۇندا شامامەن 682 مىڭ ادام بولدى. ونىڭ 220 مىڭى شاڭعىشىلار. كەلۋشىلەردىڭ جىل سايىن 15 پايىزعا ءوسۋى تۋريستەرگە كورسەتىلەتىن قىزمەت دەڭگەيىنىڭ كوتەرىلگەنىن بىلدىرەدى.

65 جىلدىعىن اتاپ وتكەلى وتىرعان تاۋ كۋرورتى شەتەلدىك تۋريستەر ءۇشىن، اسىرەسە رەسەي، قىتاي جانە وڭتۇستىك كورەيا ەلدەرىنە تانىمال دەمالىس ورنىنا اينالدى»، - دەپ جازدى قالا اكىمى.

سوڭعى جاڭالىقتار