17 قاراشا, 15:52 279 0 قوعام انار لەپەسوۆا

2023 جىلعا دەيىن تۇركىستاندا 4 ميلليوننان اسا كوشەت وتىرعىزىلماق

تۇركىستان قالاسىنىڭ ەكولوگيالىق احۋالىن تۇراقتاندىرۋ جانە قولايلى كليمات قالىپتاستىرۋ ماقساتىندا وبلىس اكىمدىگىنىڭ ۇيىمداستىرۋىمەن اپتا سايىن سەنبىلىك وتەتىنى بەلگىلى. وسى ورايدا وبلىس ورتالىعى 32 سەكتورعا ءبولىنىپ، كوگالداندىرۋ، اباتتاندىرۋ جۇمىستارى جۇرۋدە. 
كەزەكتى سەنبىلىك وتكىزۋگە وبلىستىق قوعامدىق دامۋ باسقارماسى، "Nur Otan" پارتياسى تۇركىستان وبلىستىق فيليالى مەن ۇكىمەتتىك ەمەس ۇيىمدار جانە ەرىكتى جاستار باستاما كوتەرگەن بولاتىن. شارانى قولداپ، كونە شاھاردى جاسىل جەلەككە وراۋدى ماقسات تۇتقان وبلىس اكىمىنىڭ ورىنباسارى ۇلان تاجىباەۆ، وبلىستىق قوعامدىق دامۋ باسقارماسى، 16 اۋدان، قالادان 22 ۇكىمەتتىك ەمەس ۇيىم، ەرىكتى جاستار، "Nur Otan" پارتياسى وبلىستىق فيليالى مەن "جاس وتان" جاستار قاناتى،  تۇركىستان وبلىستىق قازاقستان حالقى اسسامبلەياسى، وبلىستىق ەتنومادەني بىرلەستىكتەر ءوز ۇلەستەرىن قوستى.
سەنبىلىككە قاتىسۋشىلار  قاراشىق وزەنى اۋماعىندا ارنايى كوگالداندىرۋ جۇمىستارى جۇرگىزىلىپ جاتقان 5 ۋچاسكەدە تال ەگىپ، سۋارۋ جۇمىستارىنا اتسالىستى.
كوگالداندىرۋ جوباسىنا سايكەس، بيىل 180 مىڭ ءتۇپ كوشەت ەگۋ جوسپارلانىپ، بۇگىنگى كۇنگە 130 مىڭ داناسى ەگىلدى. وبلىس ورتالىعىن كوركەيتۋ جۇمىستارى ارى قاراي دا جالعاسىن تاپپاق.
جوسپارعا سايكەس، 2020 جىلى قالا ىشىنە 250  مىڭ ءتۇپ ءتۇرلى كوشەتتەر ەگىلەدى.
قالا سىرتىنان قۇرىلاتىن جاسىل بەلدەۋگە 2019 - 2022 جىلدارى 7700 گا اۋماققا 3,5 ملن ءتۇپ، ونىڭ ىشىندە 2019 جىلى 2300 گەكتارعا     628 مىڭ دانا، 2020 جىلى 2400 گەكتارعا 1 ملن دانا، 2021-2022 جىلدارى 3000 گەكتارعا 1,9 ملن دانا ءتۇپ ءارتۇرلى كوشەت ەگۋ جوسپارلانىپ، بۇل يگى ءىس وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنا جۇكتەلگەن. جاسىل بەلدەۋ قۇرىلاتىن اۋماقتىڭ 572 گەكتارىنا كوكتەمدە  160 مىڭ كوشەت ەگىلدى. قالعان 1428 گا اۋماققا قازىرگى كۇندە 468 مىڭ ءتۇپ ءارتۇرلى كوشەت (قاراعاي، قاراعاش، ايلانت، كاليفورنيا تەرەگى، جيدە، ورىك، الما، الشا، كلەن، ت.ب ) ەگۋ جۇمىستارى باستالدى.

سوڭعى جاڭالىقتار