16 قاراشا, 21:44 268 0 الەۋمەت انار لەپەسوۆا

قۇتقارۋشىلار كوپقاباتتى ۇيدەگى ورتتەن 5 ادامدى امان الىپ قالدى

نۇر-سۇلتاندا كوپقاباتتى تۇرعىن ۇيدەگى پاتەر ورتەندى.

توتەنشە جاعدايلار كوميتەتىنىڭ ءباسپاسوز قىزمەتىنىڭ حابارلاۋىنشا، 16 قاراشا كۇندىزگى ساعات 13:48-دە قۇتقارۋ قىزمەتىنە اۋەزوۆ كوشەسىندەگى بەس قاباتتى ءۇيدىڭ ورتەنىپ جاتقانى تۋرالى حابار كەلىپ تۇسكەن.

«ءورت سوندىرۋشىلەر كەلىپ جەتكەندە ەكىنشى قاباتتاعى پاتەردە تۇرمىستىق تەحنيكا مەن ءۇي زاتتارى جانىپ جاتقان بولاتىن. قۇتقارۋشىلار ءبىرىنشى كەزەكتە ءتورتىنشى قاباتتان باسپالداقتىڭ كومەگىمەن 5 ادامدى قۇتقاردى. ونىڭ ىشىندە ەكەۋى – بالا. ناتيجەسىندە ءورت 14:03-تە اۋىزدىقتالىپ، 14:05-تە ءسوندىرىلدى. قىزىل جالىن 5 شارشى مەتر اۋماقتى شارپىعان» دەلىنگەن حابارلامادا.

ءورت كەزىندە 1938 جىلى تۋعان كەيۋانا اششى گاز يىسىنەن ۋلانىپ، اۋرۋحاناعا ءتۇستى. ءتىلسىز جاۋمەن ارپالىسۋعا جەكە قۇرامنان 17 ادام جانە 5 تەحنيكا جۇمىلدىرىلدى. پوليتسيا قىزمەتكەرلەرى ءۇي اۋماعىن قورشاۋعا الدى.

 

سوڭعى جاڭالىقتار