16 قاراشا, 13:14 323 0 الەۋمەت انار لەپەسوۆا

الماتى وبلىسىندا ءۇي ورتەنىپ، اناسى مەن ەكى بالاسى كوز جۇمدى

الماتى وبلىسىندا ءۇي ورتەنىپ، ءۇش ادام كوز جۇمدى، دەپ حابارلايدى قازاقپارات.

«16 قاراشا كۇنى ساعات 00.48 كەزىندە ورتكە قارسى قىزمەت پۋلتىنە الماتى وبلىسى ەڭبەكشىقازاق اۋدانى بايتەرەك اۋىلىنىڭ «ترۋجەننيك» ساياجايلىق قوعامداستىعىندا ەكى قاباتتى جەكە تۇرعىن ۇيدەن ءورت شىققانى تۋرالى حابارلاما ءتۇستى. وقيعا ورنىنا ءورت سوندىرۋشىلەر كەلگەنشە ءۇي تولىعىمەن ورتەنىپ كەتكەن»، - دەپ حابارلايدى الماتى وبلىستىق توتەنشە جاعدايلار دەپارتامەنتى.

ساعات تۇنگى 02.36 كەزىندە ءورت سوندىرىلگەن. ءتىلسىز جاۋ دەپارتامەنتتىڭ حابارلاۋىنشا، 240 شارشى مەتر اۋماقتى الىپ كەتكەن.

«ۇيىندىلەردى تەكسەرۋ بارىسىندا ءورت ورنىنان دەنەسى جارتىلاي كۇيىپ كەتكەن ءۇش ادامنىڭ - 1985 جىلى تۋعان ايەل مەن ونىڭ 2008 جانە 2014 جىلعى ەكى بالاسىنىڭ ءمايىتى تابىلدى. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر»، - دەلىنگەن حابارلامادا.

ءتىلسىز جاۋدى اۋىزدىقتاۋعا جەكە قۇرامنان 14 ادام مەن 3 ارنايى تەحنيكا جۇمىلدىرىلعان.

سوڭعى جاڭالىقتار