15 قاراشا, 21:43 361 0 الەۋمەت انار لەپەسوۆا

ەكىباستۇزدا تەمىرجول اپاتىنان 28 ۆاگون اۋدارىلىپ، 2 ادام زارداپ شەكتى

ەكىباستۇزداعى تەمىرجول اپاتىنان ەكى ادام زارداپ شەكتى. اۋىر جاراقات العان لوكوموتيۆ ءماشينيسى جانساقتاۋ بولىمىندە جاتىر. توتەنشە جاعداي "بوگاتىر كومىر" كەنىشىندە بولعان، دەپ حابارلايدى "كتك" ارناسى. 

"باتىس" تەمىرجول بەكەتىندە ەكى لوكوماتيۆ سوقتىعىسقان. توقسىز قالعان لوكوموتيۆ جۇك ۆاگوندارىمەن كەرى باعىتقا قوزعالعان. ناتيجەسىندە كومىر تاسىمالدايتىن 28 ۆاگون ءبۇلىندى. اپات سالدارىنان 350 مەتر رەلس جولاعى دا زاقىمدانعان.

كۋاگەرلەردىڭ ايتۋىنشا، كابيناعا قىسىلىپ قالعان ءماشينيستى قۇتقارۋشىلار الىپ شىعىپتى. اياعى سىنعان 57 جاستاعى ازامات اۋرۋحاناعا جەتكىزىلدى. دەر كەزىندە سىرتقا سەكىرىپ ۇلگەرگەن ونىڭ كومەكشىسى جەڭىل جاراقات العان.

"الدىن الا بولجام بويىنشا، لوكوميتيۆتەردىڭ سوقتىعىسۋىنا تەجەگىشتىڭ ىستەن شىعۋى سەبەپ بولۋى مۇمكىن. وقيعا ورنىندا ماماندار جۇمىس ىستەپ جاتىر. تەكسەرۋ شارالارى باستالدى. كوميسسيا قۇرىلىپ، اپاتتىڭ ناقتى نەدەن بولعانىن انىقتايمىز", - دەيدى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ پاۆلودار وبلىسى بويىنشا دەپارتامەنت باسشىسى دانيار انداسوۆ.

سوڭعى جاڭالىقتار