15 قاراشا, 15:03 284 0 ساياسات انار لەپەسوۆا

نۇر-سۇلتان قالالىق توتەنشە جاعدايلار دەپارتامەنتىنە جاڭا باسشىسى تاعايىندالدى

نۇر-سۇلتان قالاسى توتەنشە جاعدايلار دەپارتامەنتىنىڭ باسشىسى بولىپ ازاماتتىق قورعانىس پولكوۆنيگى باۋىرجان سىزدىقوۆ تاعايىندالدى. بۇل تۋرالى تجد ءباسپاسوز قىزمەتى حابارلادى. 

قر ىشكى ىستەر ءمينيسترىنىڭ ورىنباسارى يۋري يلين جەكە قۇرامعا ەلوردالىق تجد-نىڭ جاڭا باستىعىن تانىستىردى. باۋىرجان ءماديۇلى سىزدىقوۆ 1973 جىلى 14 ماۋسىمدا بۇرىنعى شىمكەنت وبلىسى بوگەن اۋدانى زاداريا اۋىلىندا دۇنيەگە كەلگەن.

2000 جىلى قازاق مەملەكەتتىك مەديتسينا ۋنيۆەرسيتەتىن (گيگيەنيست-ەپيدەميولوگ دارىگەر), 2010 جىلى رف تجم ازاماتتىق قورعانىس اكادەمياسىن، 2019 جىلى «سينەرگيا) ماسكەۋ قارجى-ونەركاسىپ ۋنيۆەرسيتەتىن زاڭگەر ماگيسترى دارەجەسىمەن تامامداعان. 2001 جىلدان بەرى ازاماتتىق قورعانىس ورگاندارىندا جۇمىس ىستەيدى.

ەڭبەك جولىن وڭتۇستىك قازاقستان وبلىسى تجب اعا وفيتسەرى بولىپ باستاعان. 2010-2012 جىلدارى قر تجم ازاماتتىق قورعانىس دەپارتامەنتى حالىقتى جانە اۋماقتى قورعاۋ باسقارماسىنىڭ باستىعى، 2012-2014 جىلدارى قر تجم اقتوبە وبلىستىق تجد باستىعىنىڭ ورىنباسارى، 2014-2015 جىلدارى قر ءىىم اقتوبە وبلىستىق تجد باستىعىنىڭ ورىنباسارى، 2015 جىلعى اقپاننان - اقتوبە وبلىستىق تجد باستىعى بولدى.

ماراپاتتارى: 2002 جىلى «قازاقستان رەسپۋبليكاسىنىڭ قارۋلى كۇشتەرىنە 10 جىل» مەدالى، 2012 جىلى «قازاقستان رەسپۋبليكاسىنىڭ قارۋلى كۇشتەرىنە 20 جىل»، 2010 جىلى «وقۋدا ەرەكشە جەتىستىكتەرى ءۇشىن» مەدالى; 2012 جىلى III دارەجەلى «ءمىنسىز قىزمەتى ءۇشىن» مەدالى، 2010 جىلى رەسەي تجم اقا «وقۋدا جەتكەن جەتىستىكتەرى مەن قوسقان ۇلەسى ءۇشىن» بەلگىسى; 2010 جىلى III دارەجەلى رەسەي تجم اقا «رەسەي تجم ازاماتتىق قورعانىس اكادەمياسىنىڭ» ەرەكشەلىك بەلگىسى، 2010 جىلى «توتەنشە جاعدايلار جۇيەسىن دامىتۋعا قوسقان ۇلەسى ءۇشىن» ءتوس بەلگىسى، 2012 جىلى «توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن» مەدالى، 2017 جىلى «ايبىن» وردەنى.

 

سوڭعى جاڭالىقتار