15 قاراشا, 10:59 324 0 سپورت انار لەپەسوۆا

امەريكالىق ءجۋرناليستىڭ مالىمدەمەسى گولوۆكيننىڭ جانكۇيەرلەرىن الاڭداتىپ قويدى

FightNights.com سايتىنىڭ ءجۋرناليسى رايان و’حارا ورتا سالماقتاعى IBF تۇجىرىمى بويىنشا الەم چەمپيونى گەننادي گولوۆكيننىڭ دەنساۋلىعىنا الاڭداۋشىلىق ءبىلدىردى، دەپ حابارلادى Sports.kz.

امەريكالىق ءجۋرناليستىڭ پىكىرىنشە، گولوۆكيننىڭ جاسى كەلىپ قالعاندىقتان، بيىكتىكتەگى جاتتىعۋ ونىڭ فيزيكالىق جاعدايىنا كەرى اسەرىن تيگىزۋى مۇمكىن.

بيىل قازاقستاندىق سپورتشى ابەل سانچەسپەن كەلىسىمشارتىن بۇزىپ، دجوناتون بەنكسپەن جاتتىعا باستادى. الايدا ول جاتتىعۋ ورنىن وزگەرتپەي، بۇرىنعىداي كاليفورنيا شتاتىنداعى بيگ بەار زالىندا دايىندالىپ ءجۇر.

37 جاستاعى گولوۆكين ءۇشىن جاس شاماسى جالعىز ماسەلە ەمەس. GGG كاليفورنيا شتاتىنداعى بيگ بەار زالىندا جاتتىعادى. وندا سپورتشىلار بيىكتىكتە جاتتىعۋ ءۇشىن بارادى. ەگەر ونىڭ جاسىن ەسكەرسەك، قاۋىپ-قاتەر بار.  مىسالى، بۇلشىقەت ماسساسىنىڭ جويىلۋى جانە قىزىل قان تۇيىرشىكتەرى دەڭگەيىنىڭ جوعارىلاۋى قاننىڭ قويۋلانۋىنا اكەلەدى، ال ول جۇرەككە تۇسەتىن سالماقتى ارتتىرادى، - دەيدى رايان و’حارا.

ونىڭ ايتۋىنشا، ابەل سانچەستەن كەتكەننەن كەيىن گولوۆكيننىڭ جىلدامدىعى باياۋلاپ، ناتيجەلى سوققى جاساي الماي ءجۇر.

ونىڭ قورعانىسى ەشقاشان مىقتى بولماعان. دەگەنمەن تازا سوققىلاردى ءجيى جىبەرەتىن بولدى. ءتىپتى، ستيۆ روللس سىندى قارسىلاستارىنان سوققى الدى، - دەپ تۇيىندەدى جۋرناليست.

سوڭعى جاڭالىقتار