15 قاراشا, 10:08 300 0 زاڭ انار لەپەسوۆا

قاراعاندىدا 21 جاستاعى جىگىت اناسىن ورتەپ جىبەردى

ايەلدىڭ جارتىلاي جانعان ءمايىتىن اۋىل شەتىنەن تۇرعىندار تاۋىپ العان. پوليتسيا كۇدىكتىنى قاماۋعا الدى، دەپ حابارلايدى "استانا" تەلەارناسى. 

42 جاستاعى ايەلدىڭ جارتىلاي جانعان مۇردەسى دۋبوۆكا اۋىلىنان ەكى شاقىرىم قاشىقتاعى يەن دالادان تابىلدى. ونى اۋىل تۇرعىندارى بايقاپ قالىپ، دەرەۋ پوليتسيا شاقىرعان.

كوپ ۇزاماي مارقۇمنىڭ تۋعان ۇلى كۇدىككە ىلىككەن. 21 جاستاعى جىگىت اناسىن الدىمەن ۇرىپ، سودان سوڭ ورتەپ، تانىسىمەن بىرگە اۋىل شەتىنە اپارىپ تاستاعانىن پوليتسياعا ايتقان.

قازىر كۇدىكتى قاماۋدا. وعان قاتىستى «ادام ءولتىرۋ» بابىمەن ءىس قوزعالدى.

"پوليتسيادا قىلمىستىق ءىس تىركەلىپ، ءتيىستى ساراپتامالار تاعايىندالدى. وقيعانىڭ ءمان-جايى انىقتالۋدا", - دەيدى قاراعاندى وبلىستىق پوليتسيا دەپارتامەنتىنىڭ ءباسپاسوز حاتشىسى جاناتاي سەمبەكوۆ.

كورشىلەرى بۇل وتباسىمەن ارالاسپاعان. ايتۋلارىنشا اناسى ىشىمدىككە سالىنعان. انا مەن بالا اراسىنداعى كيكىلجىڭگە وسى سەبەپ بولعانىنا سەنىمدى. ولار ءوز سوزدەرىندە ىشىمدىككە سالىنعان اناسىنىڭ ارەكەتتەرى بالاسىن شارشاتقانىن ايتىپ قالدى.

كۇدىكتى ءوزىنىڭ تۋعان اناسى جانە ناعاشى اجەسىمەن بىرگە تۇرعان. كورشىلەرىنىڭ ايتۋىنشا، قازىر اجەي ءوزى جالعىز قالعان.

ولار كۇدىكتى جىگىتتىڭ وعاش قىلىقتاردان اۋلاق بولعانىن دا ايتادى. ال قايعىلى وقيعاعا اناسىنىڭ ىشىمدىككە سالىنۋى سەبەپ بولۋى مۇمكىن دەپ وتىر.

دۋبوۆكا اۋىلىنىڭ اكىمدىگى دە كۇدىكتى جىگىتكە شاڭ جۋىتپادى.

"ول ديزاينەر ماماندىعىن ءبىتىرىپ، قالادا جۇمىس ىستەيتىن. كارى ناعاشى اجەسى مەن شەشەسىنىڭ بار پروبلەماسىن ءبىر ءوزى ارقالاپ جۇرگەن ەدى", - دەدى اكىمدىك وكىلدەرى.

"بالا اقىلدى، سۋرەتتى جاقسى سالاتىن. ديزاينەر ماماندىعىن تاڭدادى، ەشكىمگە قارسى سويلەمەيتىن، سىپايى. سەنەر سەنبەسىمىزدى بىلمەيمىز. تۇرعىندار كەيىنگى ۋاقىتتا ماماسى ىشەدى دەگەن. سودان شارشادى ما، الدە نامىستاندى ما، جاس بالا عوي", - دەدى قاراعاندى وبلىسى دۋبوۆكا اۋىلدىق وكرۋگى اكىمدىگىنىڭ باس مامانى ەركە ورازباەۆا.

الايدا جاس جىگىتكە جاسالعان جاقسى مىنەزدەمە ونىڭ اۋىر ايىبىن جۋىپ-شايا المايدى. اناسىنىڭ دەنەسىن جاسىرۋعا كومەكتەسكەن تانىسى دا جازاسىز قالماۋى مۇمكىن. ونى تۇتقىنداۋ ماسەلەسى ءالى شەشىلگەن جوق.

 

سوڭعى جاڭالىقتار