14 قاراشا, 11:27 389 0 ايماق Túrkistan Gazeti

تۇركىستان تۇرعىندارى ساپالى مەديتسينامەن قامتىلماق

قازاقستان پرەزيدەنتى قاسىم-جومارت توقاەۆ قازاقستان حالقىنا جولداۋىندا دەنساۋلىق سالاسى قىزمەتكەرلەرىنىڭ الدىنا ۇلكەن مىندەتتەر قويدى. ول ءوز سوزىندە «مەديتسينالىق قىزمەت كورسەتۋدىڭ ساپاسى مەن  قولجەتىمدىلىگىن قامتاماسىز ەتۋ كەرەك» دەپ اتاپ كورسەتتى.

بۇل جەردە ءبىز حالقى كوپ جانە تى­عىز قونىستانعان وڭتۇستىك ءوڭىر، ءتۇر­كىستان وبلىسى تۋرالى ايت­پاق­پىز. ال حالقى كوپ شوعىرلانعان وڭ­تۇستىك ايماقتا قازىرگى تاڭدا مە­ديتسينا سالاسىندا وڭدى ىستەر جە­تەرلىك. ارينە، مۇنىڭ بارلىعى دا ەڭ الدىمەن دەنساۋلىق ساقتاۋ سا­لاسىنا باستى كوڭىل بولىنۋدەن بول­سا، ەكىنشىدەن، اتالعان سالاعا قو­ماقتى قارجى اۋدارىلىپ كەلەدى. ءتۇر­كىستان وبلىستىق دەنساۋلىق ساق­تاۋ باسقارماسىنىڭ باسشىسى  مۇ­قان ەگىزباەۆ تاجىريبەلى مامان ەكە­نىن ەكىنىڭ ءبىرى بىلەدى. ىسكەر باسشى ايماقتاعى دەنساۋلىق ساقتاۋ سا­لاسىنىڭ قىزمەتكەرلەرىنە بار­لىق جاعدايدى جاساپ كەلەدى. سون­دىق­­تان دا بولار ايماقتا بۇرىن­عى­عا قا­را­عاندا، حالىقتىڭ دەنساۋ­لى­عى جاق­ساردى. حالىق سالاۋاتتى ءومىر سال­تىن قالىپتاستىرۋعا داع­دى­لا­نىپ كەلەدى. ايتار بولساق، قا­زىر وڭ­تۇستىك وڭىردە ماقتاۋلى اۋ­رۋحالار مەن ەمحانالار جەتەرلىك. سو­لار­دىڭ ءبىرى  – تۇركىستان وب­لىستىق كلي­نيكالىق اۋرۋحاناسى. ال ونىڭ باس دارىگەرى – مارات پاشيموۆ. كەيىن­گى جىلدارى اتال­عان اۋرۋ­حا­نا­عا وفتالمو­لو­گيا­لىق بولىمشە، ەن­دوكرينولوگيالىق ديسپانسەر جانە ونكولوگيالىق ور­تالىق قو­سىل­دى. حالىقتى كەشەندى ەمدەۋدى جال­عاستىرىپ كەلە جاتقان بۇل مە­كەمەگە قازىر حالىق اعىلۋدا. ءويت­كەنى مۇندا قىزمەت ساپاسى جو­عارى.

– كەڭ سالالى كلينيكا بۇگىندە حا­لىقتىڭ قۇرمەتىنە بولەنۋدە. مۇ­نىڭ سەبەبى دە جوق ەمەس.  ءويت­كەنى ءبىزدىڭ قىزمەتكەرلەر حالىققا ساپا­لى قىزمەت كورسەتەدى. جانى اۋى­رىپ كەلگەن جانعا ەڭ الدىمەن جى­لى قاباق پەن مەيىرىم كور­سەتە­مىز. ءبىز نەگىزىنەن شىمكەنت قالاسى مەن تۇركىستان وبلىسىنىڭ ايماق تۇرعىندارىنا قىزمەت كورسەتىپ جاتىر­مىز. ەڭ الدىمەن كەلگەن پاتسيەنتكە جاعداي جاساۋ باستى ماق­ساتىمىز بولعاندىقتان، بىزگە ري­زاشىلىقپەن كەلەتىندەردىڭ قا­تارى ارتتى. قالانىڭ ءار جەرىنە بار­­عاننان گورى بىزدە كەشەندى ەم العان ارتىق. ويتكەنى ءبىزدىڭ اۋرۋحانا كەڭ سالالى ەكەندىگىن ايتا كەتكىم كەلەدى، – دەيدى مارات ورىن­باسارۇلى.

قازىرگى ۋاقىتتا وفتا­ل­مو­لو­گيالىق ورتالىق تولىق ساپالى جوندەۋدەن ءوتتى. بايقاعانىمىز، جال­پى كلينيكالىق اۋرۋحانادا  قىزمەت ەتۋ ساپاسى وتە جوعارى. بارلىعى دا تسيفرلانعان، ەلەكتروندى قىزمەت ارقىلى جۇمىس جۇرگىزىلەدى. بۇرىنعىداي ۇزىن سونار كەزەككە تۇرىپ، ايقاي-شۋ بو­لاتىن وقيعا  جوق. جۇمىس جۇيە­لى تۇردە جولعا قويىلعان. مەدي­تسي­نا­لىق قۇرىلعىلار مەن جابدىقتار دا جاڭارتىلعان.

قازىرگىدەي يننوۆاتسيالىق جاڭا­لىقتاردىڭ ورىستەپ بارا جات­قان ۋاقىتىندا اق حالاتتى ابزال جانداردىڭ بىلىكتىلىگىن ارتتىرىپ وتىرۋ دا ماڭىزدى. بۇل ورايدا، باس دارىگەر، ىسكەر باسشى مارات ورىن­با­سارۇلى ۇنەمى ءوز قىزمەتكەرلەرى­نىڭ ءبىلىمىن ارتتىرىپ وتىرادى. اتاپ وتەر بولساق، رەسەيدەن كەلىپ، مىق­تى تاجىريبەلى دارىگەرلەر شە­بەر­لىك ساباقتارىن وتكىزەدى. سونىمەن قاتار كلينيكانىڭ ماماندارى ماسكەۋگە بارىپ، بىلىكتىلىگىن ارت­تىرىپ قايتادى. مۇنداي الىس-بە­رىس پەن قارىم-قاتىناستىڭ كو­مە­گى ۇلكەن.

باس دارىگەر ءسوز كەزەگىندە ەندوك­ري­نولوگيا بولىمشەسى دامىتىلىپ جاتقانىن ايتتى. وسى ورايدا، كور­شى ەلدەردىڭ دەنساۋلىق ساقتاۋ مە­كەمەلەرىمەن قارىم-قاتىناس نىعايىپ كەلەدى. مىسالى، تاشكەنتتە ورنالاسقان ەندوكرينولوگيا عىلىمي-زەرتتەۋ ينستيتۋتىمەن بايلانىس تۇراقتى دامىعان. ەكىجاقتى بايلانىس تۋرالى ءتۇر­كىستان وبلىستىق دەنساۋلىق ساق­تاۋ سالاسىنىڭ باسشىسى مۇقان ەگىزباەۆ پەن تاشكەنت عىلىمي-زەرتتەۋ ينستيتۋتى اراسىندا مەموراندۋم­عا قول قويىلدى. وسىعان سايكەس ولار تۇركىستانعا، ال وبلىستىق كلي­­­ني­كانىڭ ماماندارى تاشكەنتكە با­رىپ تاجىريبە الماسىپ تۇرادى.

باس دارىگەردىڭ ايتۋىنشا، ەندى ال­ماتى نەمەسە نۇر-سۇلتانعا بارىپ كەرەگى جوق. وبلىستىڭ كليني­كال­ىق اۋرۋحانا ماماندارى وزدە­رىن­دە ناۋقاسقا كۇردەلى وپەراتسيا جا­ساي بەرەدى. اۋرۋحانا دارىگەرلەرى حالىقارالىق ستاندارت بويىنشا جۇ­مىس ىستەۋگە كوشكەن. مەكەمەدە ءار­تۇرلى مەديتسينالىق قۇرال-جاب­دىقتاردى مەڭگەرگەن دارىگەرلەر جەتەرلىك. قازىرگى كەزدە مەديتسي­نا­نىڭ دياگنوستيكالىق مۇمكىن­دىك­تەرى ارتىپ كەلەدى. باس دارىگەردىڭ دە «كوشتەن قالماۋىمىز كەرەك» دەپ وتىر­عانى سودان.

تاجىريبەلى باسشى مارات ورىن­­باسارۇلى «دارىگەرلەر مەدي­تسي­­ناداعى يننوۆاتسيالىق جاڭا­لىق­تاردان قۇر قالماۋى كەرەك»  دەپ سانايدى. سوندىقتان دا وتكەن جىلى مەكەمەنىڭ 40-قا جۋىق مامان­دارى تاياۋ جانە الىس شەتەلدەرگە بارىپ، تاجىريبە جيناقتاپ كەل­دى. مەديتسيناداعى جوعارى تەح­نولوگيالىق قۇرىلعىلار ارقىلى كۇر­دەلى وپەراتسيالاردى جاساۋ دا قازىرگى كەزدە قيىن بولماي قالدى. ويتكەنى دارىگەردىڭ بىلىكتىلىگى مەن ءبىلىمى جانە تاجىريبەسى جەتسە بولدى. سوندىقتان دا بولار سىرقات جان­داردىڭ وبلىستىق كليني­كا­لىق اۋرۋحانا ماماندارىنا سەنىمى ارت­قان. مىسالى، بۇرىن ءوت جولدارىنا وپەراتسيا جاسالعاندا، سىر­قات­تاردىڭ  30-40 كۇن سارىلىپ جا­تۋعا تۋرا كەلەتىن. ال قازىرگى ۋا­قىتتا ءبىر اپتانىڭ ىشىندە پاتسيەنت ۇيىنە قايتادى. باس دارىگەر مۇنىڭ بارلىعى دا زاماناۋي قۇرىل­عىلاردى جەتىك مەڭگەرگەن دارىگەر­لەردىڭ ارقاسىندا جۇزەگە اسىپ جات­قانىن ايتادى.

 

ميرا مىرزاعاليقىزى،

تۇركىستان وبلىسى

سوڭعى جاڭالىقتار