14 قاراشا, 10:52 336 0 ءدىن Túrkistan Gazeti

جان جىلۋىن سەزبەگەندەر جات اعىمعا تەز ەرەدى

وتكەن اپتادا نۇر-سۇلتان قالاسىندا «ءدىن سالاسىنداعى ماسەلەلەردى جاريالاۋ بويىنشا جۋرناليستەرگە ارنالعان ترەنينگ» دەگەن تاقىرىپتا جيىن بولدى. ساراپشىلار مەن ءدىنتانۋشىلاردىڭ قاتىسۋىمەن وتكەن سەميناردى اقپارات جانە قوعامدىق دامۋ مينيسترلىگى ءدىن ىستەرى كوميتەتى ۇيىمداستىردى. باستى ماقسات – ءدىن سالاسىندا ماتەريال جازاتىن جۋرناليستەردىڭ كاسىبي بىلىكتىلىگىن ارتتىرۋ جانە ولاردىڭ شەبەرلىگىن شىڭداۋ. جۋرناليستەر، ءدىنتانۋشىلار مەن تەولوگتاردىڭ ەركىن پىكىر الماسۋ الاڭىندا كوپتەگەن ماڭىزدى ماسەلەلەر ورتاعا سالىندى.

ەلىمىز بويىنشا جات اعىمنىڭ جە­تە­گىندە كەتكەندەردىڭ سانى ءالى ازايماي وتىر. جەر بەتىندەگى جۇماقتى ىزدەپ، شە­گارا اسىپ سيريادان ءبىر-اق شىققان  516 قازاقستاندىق (ونىڭ 357-ءى بالالار) بيىل «جۋسان» وپەراتسيا­سى­نىڭ اياسىندا ەلىمىزگە ورالدى. ەلگە قاي­تارىلعان ازا­ماتتاردان قوعامى­مىز­عا قاۋىپ بار ما ءجا­نە ولاردىڭ ورتا­عا بەيىمدەلۋى قالاي ءجۇ­رىپ جاتىر دەگەن ساۋالدىڭ تۋىنداي­تىنى انىق.

ءبىزدىڭ قوعامدا الەۋمەتتىك جاعدايى ءتو­مەن جانە جوعارى ءبىلىمى جوق ادامدار وزگە اعىمنىڭ جەتەگىنە ەرىپ كەتەدى دە­گەن سىڭارجاقتاۋ پىكىر بار. بىراق جاقسى ءومىر ىزدەپ سيرياعا كەتكەن ازاماتتاردى زەرتتەي كەلە ءبارىنىڭ وتباسىندا بەرى­لەتىن تاربيەگە بايلانىستى ەكەنى بەل­گى­لى بولىپ وتىر. مەكتەپتە، ستۋدەنت­تىك كەزەڭدەردە ومىرىندە بەلگىلى ءبىر اقاۋلار بولعان، اتا-اناسىمەن جەكە قارىم-قا­تىناستىڭ دۇرىس بولماۋىنان جانە جان جىلۋىنىڭ جوقتىعىنان زارداپ شەككەندەر وزگە اعىمنىڭ تۇزاعىنا تەز تۇسەتىن كورىنەدى.

ءدىن ىستەرى كوميتەتىنىڭ توراعاسى ەر­جان بولاتقانۇلى «جۋسان» وپە­راتسيا­سى بويىنشا سيريادان ورالعان كوپ­بالالى ايەلدەردىڭ بالالارىنىڭ قۇ­جاتتارىن رەتتەۋ بويىنشا ۇلكەن جۇ­مىستار ءجۇرىپ جاتقانىن ايتتى. ءويت­كەنى بالالارى سيريادا تۋعان انا­لارعا ءوز بالاسى ەكەنىن دالەلدەيتىن ار­نايى گەنومدىق ساراپتامالار جا­سالۋى كەرەك. الداعى ۋاقىتتا قۇجاتتىق ءما­سەلەلەردىڭ بارلىعى شەشىلىپ، ەلگە قاي­تارىلعان ازاماتتارمەن ارنايى جۇ­مىستار جالعاسىن تاباتىن
بولادى.

 

ارايلىم جولداسبەكقىزى

سوڭعى جاڭالىقتار