14 قاراشا, 10:47 300 0 ەكونوميكا اسەل انۋاربەك

التىن-ۆاليۋتا اكتيۆى ۇلعايدى

قازاقستان ۇلتتىق بانكىنىڭ التىن-ۆاليۋتا رەزەرۆتەرى 29,5 ملرد دوللارعا جەتتى. قازان ايىندا رەزەرۆ قورىنىڭ كولەمى 2,4 پايىزعا نەمەسە 704,9 ملن دوللارعا وسكەن.

ۇلتتىق بانك توراعاسى ەربولات دوساەۆتىڭ مالىمەتىنشە، التىن-ۆاليۋتا اكتيۆتىنىڭ وسۋىنە تۇتىنۋشىلاردىڭ ۇلتتىق بانكتەگى شوتتاردا شەتەل ۆاليۋ­­تاسىنداعى قالدىقتىڭ ارتۋى، ال­تىن ساتىپ الۋ وپەراتسيالارى مەن وعان الەمدىك باعا بەلگىلەنىمىنىڭ ءوسۋى اسەر ەتىپ وتىر. «ۇلتتىق قوردىڭ شەتەل ۆاليۋ­­­تاسىنداعى اكتيۆى قازاندا الدىن الا دەرەكتەر بويىنشا 0,9 پايىزعا 59,9 ملرد دوللارعا دەيىن ۇلعايدى. ەل­دىڭ حالىقارالىق رەزەرۆتەرى قازان  سوڭىندا 89,4 ملرد دوللاردى قۇرادى»، – دەيدى ۇلتتىق بانك توراعاسى.

الايدا ەلىمىزدەگى ۆاليۋتالىق دەپو­زيت­تەر 12,1 پايىزعا تومەندەپتى. دەپو­زيت كولەمى جىل باسىنان بەرى 2,4 پايىز­عا تومەندەپ، قىركۇيەك ايىنىڭ سوڭىن­دا 18,1 ترلن تەڭگەگە تۇراقتادى. ال شەتەل ۆاليۋتاسىنداعى سالىمداردى تەڭ­گەمەن سالىمدارعا اۋىستىرۋشىلار قا­تارى كوبەيىپ، 9 ايدا ۇلتتىق ۆاليۋ­تامەن سالىمدار 6,7 پايىزعا ارتتى. «دە­پوزيت نارىعىنداعى ساپالى وزگە­رىستەرگە وتكەن جىلى قازاندا ەنگىزىلگەن جەكە تۇلعالاردىڭ تەڭگە سالىمدارى بويىنشا ەڭ جوعارى ستاۆكا بەلگىلەۋدىڭ جاڭا ءتاسىلى ىقپال ەتۋدە. ءبىز ستاۆكانىڭ بىرىڭعاي ديرەكتيۆالىق ءمانىن بەلگىلە­مەيمىز. قازىرگى ۋاقىتتا 6 ايعا دەيىنگى قىسقا ارالىقتا ستاۆكالار بازالىق ستاۆكا دەڭگەيىنە بايلانىستىرىلدى. دە­پوزيتتىك ستاۆكالار بارىنشا ۇزاق ارا­لىقتا بانكتەردىڭ نارىقتىق ستاۆ­كالارىنا قاراي قالىپتاسادى»، – دەپ اتاپ ءوتتى ەربولات دوساەۆ.

 

 

سوڭعى جاڭالىقتار