13 قاراشا, 15:39 308 0 ايماق انار لەپەسوۆا

تۇركىستان وبلىسىندا كولىك جوندەۋ شەبەرحاناسىنان ەر ادامنىڭ ءمايىتى تابىلدى

تۇركىستان وبلىسى جەتىساي اۋدانىنداعى جەرگىلىكتى اۆتوكولىك جوندەۋ شەبەرحاناسىنان بەلگىسىز ەر ادامنىڭ ءمايىتى تابىلدى، دەپ حابارلادى otyrar.kz.

وقيعا ورنىنا بارعان پوليتسيا قىزمەتكەرلەرى شەبەرحانا بولمەلەرىنىڭ بىرىنەن وزبەكستان ازاماتىنىڭ ءمايىتىن تاپتى. جەدەل شارالار ناتيجەسىندە قايتىس بولعان ەر ادامنان دەنە جاراقاتتارى انىقتالعان. اتالعان فاكتى قازاقستان رەسپۋبليكاسى قىلمىستىق كودەكسىنىڭ 106-بابى «دەنساۋلىققا قاساقانا اۋىر زيان كەلتىرۋ» بويىنشا تىركەلگەن.

جەدەل ىزدەستىرۋ شارالارىنىڭ ناتيجەسىندە كۇدىكتى ۇستالىپ، پوليتسيا بولىمىنە جەتكىزىلدى. ءتارتىپ ساقشىلارىنىڭ انىقتاۋىنشا، سول ءتۇنى ۇستالعان ازامات جابىرلەنۋشىمەن ىشىمدىك ىشكەن، سودان كەيىن ولاردىڭ اراسىندا جانجال شىققان. كۇدىكتى ماقتارال اۋدانىنىڭ بۇرىن سوتتالعان تۇرعىنى بولىپ شىقتى.

سوڭعى جاڭالىقتار