13 قاراشا, 15:24 360 0 كولىك انار لەپەسوۆا

ەلىمىزدەگى جولداردىڭ جاعدايىن باقىلاۋعا ارنالعان ءموبيلدى قوسىمشا ازىرلەندى

ەلىمىزدەگى اۆتوكولىك جولدارىنىڭ جاعدايىن باقىلاۋعا ارنالعان قوسىمشا ىسكە قوسىلادى.

ارنايى ازىرلەنگەن جول اكتيۆتەرىن باسقارۋ جۇيەسى ارقىلى جول قوزعالىسىنىڭ قاتىسۋشىلارى رەسپۋبليكالىق جانە جەرگىلىكتى ماڭىزى بار جولداردىڭ جاعدايىن باقىلاپ، جول بويىندا قىزمەت كورسەتەتىن نىساندار، ايالدامالار، ەلدى مەكەندەر مەن مەردىگەر ۇيىمدار تۋرالى تولىق اقپاراتتى كورە الادى.  بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

جوعارىدا اتالعان مالىمەتتەردىڭ بارلىعىن قر يدم اۆتوموبيل جولدارى كوميتەتى ۇلتتىق جول اكتيۆتەرى ساپاسىنىڭ ورتالىعى جينايتىن بولادى. ءبىرىنشى كەزەكتە، جۇيەدە ۇزىندىعى 24 مىڭ شاقىرىمدى قۇرايتىن رەسپۋبليكالىق ماڭىزى بار اۆتوموبيل جولدارى جونىندەگى اقپارات قولجەتىمدى بولماق.

بۇدان كەيىن جەرگىلىكتى جولداردىڭ جاعدايىنا قاتىستى مالىمەتتەر ەنگىزىلەدى. جۇيە تەحنيكالىق تۇرعىدا كەلەسى جىلدىڭ مامىرىندا ىسكە قوسىلادى دەپ كۇتىلۋدە.

ال پايدالانۋشىلار ونى 2020 جىلدىڭ 1 ماۋسىمىنان باستاپ قولدانا الادى. «جول اكتيۆتەرىن باسقارۋ جۇيەسى» قوسىمشاسىن Android جانە iOS پلاتفورماسىنان تەگىن جۇكتەپ الۋعا بولادى.

سوڭعى جاڭالىقتار