12 قاراشا, 21:19 324 0 ەكونوميكا انار لەپەسوۆا

قاراعاندىدا اكىمدىك قىزمەتكەرىنىڭ سالىقتىق قارىزى 65 ملن تەڭگەدەن اسىپ جىعىلعان

قاراعاندىلىق مەملەكەتتىك قىزمەتكەردىڭ سالىقتار بويىنشا قارىزى 65 ميلليون تەڭگەدەن اسىپ ءتۇستى، دەپ حابارلايدى «حابار 24».

اۋداندىق اكىمدىكتىڭ باس مامانى مۇنداي قارىزعا ءوزىنىڭ اتىنداعى جەر ۋچاسكەسى ءۇشىن باتىپ وتىر. اتالعان سومانىڭ 28 ميلليون تەڭگەسى نەگىزگى تولەماقىنىڭ ۇستىنەن جينالعان ايىپپۇل بولىپ شىقتى. ايتا كەتۋ كەرەك، مەملەكەتتىك قىزمەتكەر وسىدان بىرنەشە جىل بۇرىن اۋماعى 37 گەكتار جەر ۋچاسكەسىن ساتىپ العان. قالانىڭ اكىمشىلىك شەكاراسى كەڭەيتىلگەننەن كەيىن سالىقتىق مولشەرلەمە كۇرت وسكەن.

قازىر سوت شەشىمى بويىنشا قارىز ماجبۇرلەپ قايتارىلۋدا – شەندىنىڭ ەڭبەكاقىسىنىڭ ءبىر بولىگى بەرەشەكتى وتەۋگە ۇستالىنىپ وتىر. ول ايىنا 8 مىڭ تەڭگەنى قۇرايدى. بۇدان بولەك، ساتىلىمعا بورىشكەردىڭ مەنشىگىندەگى ەكى اۆتوكولىك پەن جەر ۋچاسكەسىنىڭ ءوزى شىعارىلعان. بىراق بۇلاردىڭ سوڭعىسىن ساتۋ مۇمكىن بولمادى، ەكى رەتتە دە ساتىپ الۋشىلاردىڭ بولماۋى سالدارىنان، اۋكتسيون وتكىزىلمەي قالعان.

"بۇل جاعدايدى تەك جەر ۋچاسكەسىن ساتىپ، سالىقتىڭ نەگىزگى تولەمىن تولىق تولەۋ ارقىلى شەشۋگە بولادى. نەگىزگى تولەم 37 ميلليوندى قۇرايدى", - دەيدى مەملەكەتتىك كىرىستەر دەپارتامەنتى ءبولىمىنىڭ باس مامانى گۇلنار بەكەنوۆا.

سوڭعى جاڭالىقتار