12 قاراشا, 11:01 258 0 قوعام انار لەپەسوۆا

بىرلىك بار جەردە تىرلىك بار

قر اقپارات جانە قوعامدىق دامۋ مينيسترلىگى مەن «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق بىرلەسىپ، ۇيىمداستىرعان «قازاقستان ەتنوستارى: ەلىمىزدىڭ دامۋىنا قوسقان ۇلەستەرى. ءبىز بىرگەمىز» اتتى رەسپۋبليكالىق عىلىمي-پراكتيكالىق كونفەرەنتسياسى ءوتتى. 

ءىس-شارا اياسىندا «قازاقستان ەتنوستارىنىڭ قازاقستان حالقىنىڭ ورتاق تاريحي جانە مادەني مۇراسىنا قوسقان ۇلەسىن زەرتتەۋ» زەرتتەۋ جۇمىسىنىڭ ناتيجەلەرى ەل دامۋىنا ەلەۋلى ۇلەس قوسقان 538 زيالىدان ىرىكتەلگەن 50 كورنەكتى تۇلعادان تۇراتىن بىرەگەي مالىمەتتەر بازاسى تۇرىندە ۇسىنىلادى. ولاردىڭ اراسىندا كومپوزيتور، قازاق مۋزىكالىق ونەرىنىڭ نەگىزىن قالاۋشىلاردىڭ ءبىرى، قازاق كسر حالىق ءارتىسى، پروفەسسور، كسرو جانە قازاق كسر مەملەكەتتىك سىيلىقتارىنىڭ لاۋرەاتى برۋسيلوۆسكي ەۆگەني گريگورەۆيچ، اڭىزعا اينالعان فولكلوريست، ەتنوگراف، كومپوزيتور جانە قازاق كسر حالىق ءارتىسى زاتاەۆيچ الەكساندر ۆيكتوروۆيچ سەكىلدى بەلگىلى تۇلعالار دا بار.

ءىس-شارانىڭ ماقساتى – قوعامدىق بىرلىك پەن ۇلتارالىق كەلىسىم يدەيالارىن كەڭىنەن ناسيحاتتاۋ، تاريحي سانانى قالىپتاستىرۋ ارقىلى ۇلتتىق كودتى ساقتاۋ، «ءبىر حالىق – ءبىر ەل – ءبىر تاعدىر» قاعيداتى بويىنشا بىرىكتىرۋشى فاكتورلاردى ىزدەۋ.

كونفەرەنتسياعا قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى داۋرەن اباەۆ، قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ، «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ» كەاق باسقارما توراعاسى كەمەلبەك ويشىباەۆ، تاريح عىلىمى جانە ەتنولوگيا، ەتنوسارالىق قاتىناستار، ساياسي زەرتتەۋلەر، مۇراعاتتاۋ سالالارىنداعى جەتەكشى ماماندار قاتىسىپ وتىر. سونداي-اق قر پارلامەنت دەپۋتاتتارى، مەملەكەتتىك ورگانداردىڭ وكىلدەرى، قازاقستان حالقى اسسامبلەياسىنىڭ، «قوعامدىق كەلىسىم» قمۋ، ەتنومادەني بىرلەستىكتەردىڭ جانە باسقا دا قوعامدىق ۇيىمداردىڭ وكىلدەرى دە اتالمىش ءىس-شارادان قالىس قالمادى.

سوڭعى جاڭالىقتار