12 قاراشا, 10:31 311 0 ءبىلىم انار لەپەسوۆا

جاقىپوۆا انتيپلاگيات جۇيەسىنىڭ شەشىمى قاتە ەكەنىن ايتتى

قىزمكەتىنەن كەتكەن ءبىلىم جانە عىلىم ۆيتسە-ءمينيسترى فاتيما جاقىپوۆا ءوزىنىڭ عىلىمي ەڭبەگىنە قاتىستى انتيپلاگيات جۇيەسىنىڭ شەشىمى قاتە ەكەنىن ايتتى.

Facebook پاراقشاسىنداعى مالىمدەمەسىنە سۇيەنسەك، ونىڭ عىلىمي ەڭبەگى رەسەيلىك جانە پولشالىق انتيپلاگيات جۇيەلەرىمەن تەكسەرىلگەن.

"كەيبىر ادامدار تەك ساندىق دەرەكتەردىڭ نەگىزىندە پلاگياتتىڭ بار-جوعى تۋرالى تۇجىرىم جاساپ، وسىلايشا قالىڭ كوپشىلىكتى اداستىرادى", – دەپ جازدى ۆيتسە-مينيستر.

ول عىلىمي ەڭبەكتى جازۋ كەزىندە اۆتور دەرەككوزگە سىلتەمە جاساعان كۇننىڭ وزىندە دە جۇيەنىڭ مەحانيكالىق تۇردە بازاداعى بار ماتىندەردى سالىستىراتىنىن اتاپ ءوتتى.

جاقىپوۆا ءوز ديسسەرتاتسيالىق جۇمىسىن Turnitin دەپ اتالاتىن عىلىمي ەڭبەكتىڭ بىرەگەيلىگىن تەكسەرەتىن جاڭا باعدارلامادا قايتا تەكسەرىپ شىققانىن العا تارتتى. ايتۋىنشا، اتالعان باعدارلامادا ونىڭ عىلىمي ەڭبەگىنىڭ بىرەگەيلىگى 87% كورسەتكەن.

سوڭعى جاڭالىقتار