11 قاراشا, 10:12 355 0 رۋحانيات انار لەپەسوۆا

"قازاق حاندىعى. الماس قىلىش" ءفيلمى ليۋكسەمبۋرگتە كورسەتىلەدى

16 قاراشادا ليۋكسەمبۋرگ قالاسىندا قر مادەنيەت جانە سپورت مينيسترلىگى تاپسىرىسى بويىنشا تۇسىرىلگەن "قازاق حاندىعى. الماس قىلىش" تاريحي ءفيلمى كورسەتىلەدى دەپ حابارلادى "قازاقفيلمنىڭ" ءباسپاسوز قىزمەتى. 

تاريحي كينوتۋىندىنىڭ رەجيسسەرى – قازاقستان رەسپۋبليكاسىنىڭ ەڭبەك سىڭىرگەن قايراتكەرى، كينورەجيسسەر، ستسەناريست جانە سۋرەتشى رۇستەم ءابدىراشوۆ. ول "قۇراق كورپە", "قالادان كەلگەن قىز", "ستالينگە سىيلىق", ەلباسى جولى كينوەپوپەياسىنىڭ: "بالالىق شاعىمنىڭ اسپانى", "وت-وزەن", "تەمىرتاۋ", "تىعىرىقتان جول تاپقان" كينوتۋىندىلارىنىڭ جانە "قازاق حاندىعى"  سەريالىنىڭ اۆتورى.

"قازاق حاندىعى. الماس قىلىش"  ءفيلمى تاريحي "قازاق حاندىعى" كينوديولوگياسىنىڭ ءبىرىنشى ءبولىمى. ءفيلمنىڭ ستسەناريى ءىلياس ەسەنبەرليننىڭ "الماس قىلىش" رومانىنىڭ جەلىسى بويىنشا جازىلعان. بۇل فيلم كەرەي مەن جانىبەك حانداردىڭ حاندىق قۇرىپ، ىرگە كەڭەيتۋ، مەملەكەتتىڭ بوساعاسىن بەكەمدەۋ بارىسىن سۋرەتتەيدى.

ليۋكسەمبۋرگ قالاسىندا وتەتىن ءفيلمنىڭ كورسەتىلىمىن ورتالىق ازيا مەن ەۋروپا اراسىندا مادەني كوپىر ورنالاستىرۋعا باعىتتالعان كوممەرتسيالىق ەمەس Kazakhstan-Luxembourg Cooperation اتتى ۇيىم ۇيىمداستىرىپ وتىر.

سوڭعى جاڭالىقتار