11 قاراشا, 09:51 341 0 الەۋمەت انار لەپەسوۆا

قازاقستاندا تاۋلىك سايىن 150 ەرلى-زايىپتى اجىراسادى

ەلىمىزدە كۇن سايىن 380 جۇپ نەكە قيىپ، وتباسىن قۇرسا، 150 ەرلى-زايىپتى اجىراسادى، دەپ حابارلايدى «حابار 24».

بۇل مالىمەتتەر الماتىدا وتكەن «ونەگە» وتباسىلىق فورۋمىندا ايتىلدى. جانۇيالاردى كەشەندى قولداۋعا باعىتتالعان «وتباسىلىق اكادەميا» قوعامدىق قورى ۇيىمداستىرعان شاراعا عالىمدار، پسيحولوگتار، ۇلگىلى وتباسىلار مەن تۇرمىستىق قارىم-قاتىناستان ءجابىر كورگەندەر قاتىستى. ولار ومىرلەرىنەن ناقتى مىسالدار كەلتىرىپ، وعان قۇقىقتىق، ادامگەرشىلىك تۇرعىدا باعا بەرىلدى. سونداي-اق قاتىسۋشىلار وتباسىنى قالاي ساقتاۋعا بولادى دەگەن سۇراق توڭىرەگىندە وي ءبولىستى. قوعامدىق قور بۇعان دەيىن باقىتتى وتباسى بولۋدىڭ قۇپيالارى تۋرالى كىتاپتار شىعارعان.

"وتباسىن ساقتاۋدىڭ ءبىر جولى – ەرلى-زايىپتىلار كەز كەلگەن تاقىرىپتا ءبىر-بىرىمەن اشىق سويلەسۋى كەرەك. وتباسى مۇشەلەرىمەن بىرگە بولۋعا ۋاقىت تابۋ قاجەت. مەنىڭشە، باقىتتى وتباسى بولۋدىڭ نەگىزگى قاعيداسى وسى", - دەيدى  «ونەگە» جوباسىنىڭ جەتەكشىسى ازامات جامانچينوۆ.

سوڭعى جاڭالىقتار