7 قاراشا, 15:47 318 0 قوعام انار لەپەسوۆا

مەملەكەتتىك قىزمەتكەرلەرگە سمارتفون پايدالانۋعا رۇقسات بەرىلەدى

جاقىندا مەملەكەتتىك ورگان عيماراتتارىندا مەملەكەتتىك قىزمەتشىلەرگە سمارتفون پايدالانۋعا رۇقسات بەرىلۋى مۇمكىن. بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى ابىلايحان وسپانوۆ ايتتى، دەپ حابارلايدى قازاقپارات.

«مەندەگى اقپارات بويىنشا اتالعان قاۋلى ۇكىمەتكە ەنگىزىلگەن، جاقىن ارادا ول جايىندا جاريالاناتىن بولادى. بارلىق وكىلەتتى ورگانداردا كەلىسۋدەن ءوتتى، وسىدان كەيىن ول ۇكىمەت وتىرىسىنىڭ قاراۋىنا شىعارىلادى. بيىلعى قاراشا ايىندا ءتيىستى شەشىم بولادى دەپ ۇمىتتەنەمىز. بۇل تۇرعىدا سمارتفونداردى ەشبىر شەكتەۋسىز بارلىق مەملەكەتتىك قىزمەتشىلەرگە قايتارۋ ماسەلەسى ەسكەرىلگەن»، - دەدى ۆيتسە-مينيستر سەناتتا تىلشىلەر ساۋالىنا جاۋاپ بەرە وتىرىپ.

ونىڭ اتاپ وتۋىنشە، كەز كەلگەن مەملەكەتتىك قىزمەتشىدە ءوز قىزمەت ورنىندا العان اقپاراتقا قاتىستى جاۋاپكەرشىلىگى بار. «اقپاراتتى نەگىزسىز تاراتقانى ءۇشىن قىزمەتشى زاڭناماعا سايكەس جاۋاپتى بولادى»، - دەدى ا. وسپانوۆ.

 

سوڭعى جاڭالىقتار