7 قاراشا, 11:56 286 0 رۋحانيات Túrkistan Gazeti

تۇركىستان – ەر تۇرىكتىڭ بەسىگى!

قر تۇڭعىش پرەزيدەنتى – ەلباسى كەڭسەسىنىڭ باسشىسى ماحمۇت قاسىمبەكوۆتىڭ «ەلباسى جانە تۇلەگەن تۇركىستان» اتتى ماقالاسىن وقىپ، تەرەڭ ويعا قالدىم. شىنىندا دا تۇركى جۇرتىنىڭ ءىنجۋ-مارجانىنا اينالعان تۇركىستان تاريحى كىمدى تەبىرەنتپەگەن! ماعجان اقىننىڭ «تۇركىستان – ەكى دۇنيە ەسىگى عوي، تۇركىستان ەر تۇرىكتىڭ بەسىگى عوي...» دەگەن ولەڭ جولدارىنىڭ ءاربىر قاتارىندا قانشاما تاريح بۇعىپ جاتىر دەسەڭشى. تۇركىستان ءبىر عانا الاشتىڭ ەمەس، جالپى تۇركى حالىقتارىنىڭ، ءتىپتى شىعىس حالىقتارىنىڭ اق ورداسى، استاناسى بولعان دەسەك، قاتەلەسپەيمىز. ءيا، كيەلى شاھار مىڭجىلدىق وركەنيەتتەر توعىسقان، تاريحي كەزەڭدەردىڭ شەجىرەسىن بويىنا جيناقتاعان، جۇزدەگەن ۇلتتار مەن ۇلىستاردىڭ باس توعىستىراتىن قاستەرلى مەكەنى.

ماقالادا قازاقستاننىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ تاريحي شاھاردىڭ جاھاندىق اۋقىمداعى بەدەلى مەن ماڭىزىن ارتتىراتىن شەشىمدەر مەن شارالارعا تۇراقتى قولداۋ جاساعانى تەرەڭ باياندالىپتى.

ايگىلى مەملەكەت جانە قوعام قايراتكەرى وزبەكالى جانىبەكوۆ كەزىندە «تۇركىستان ءۇش ءجۇز جىلعا جۋىق قازاق حاندارىنىڭ استاناسى بولعان. وندا حالقىمىزدىڭ اسىل ازاماتتارى، ەڭ قالاۋلى ۇلدارىنىڭ سۇيەگى جاتىر. ونى قاستەرلەمەسەك بولمايدى. تۇركىستاندا وبلىس ورتالىعى قۇرىلسا جاقسى بولار ەدى» – دەپ جازدى. مىنە، ءوز-اعا ارمانى جۇزەگە اسىپ، ەلباسى ن.نازارباەۆتىڭ كونە شاھاردى وبلىس ورتالىعى ەتىپ جاريالاعان تاريحي شەشىمىنىڭ ارقاسىندا بۇگىنگى تاڭدا كيەلى مەكەن تۇرلەنىپ، قايتا جاڭعىرىپ، وركەنيەتكە بەت بۇردى. قازاقتىڭ تاريحىن جيناقتاپ، قاستەرلەگەن كونە شاھاردىڭ وسىناۋ گۇلدەنگەن، تۇرلەنگەن عاجاپ ءداۋىرى باستالعانىنا كۋا بولعان ءبىز دە باقىتتى ۇرپاقپىز.

ءحانبيبى ەسەنقاراقىزى،

اقىن، حالىقارالىق «الاش» ادەبي سىيلىعىنىڭ، «قۇرمەت» وردەنىنىڭ يەگەرى

سوڭعى جاڭالىقتار