7 قاراشا, 10:40 407 0 ايماق Túrkistan Gazeti

شاھارعا شىراي بەرەر «گۇلدەر»

تۇركىستان شاھارى كۇن وتكەن سايىن تۇرلەنىپ، جاڭاشا كەلبەتكە يە بولىپ كەلەدى. قالانىڭ كوركىن كەلتىرەتىن ورىندار قاتارىنا ەسىم حان الاڭىنان اشىلعان «گۇلدەر» ساياباعى دا قوسىلدى.

اتالعان دەمالىس ورنى – «تۇركىستان جارىق-تازالىق» جشس-ءنىڭ مەردىگەرلىك ەتكەن كەزەكتى جوباسى. اباتتاندىرۋ جۇمىستارىنا ەكى ايدىڭ كولەمىندەي ۋاقىت كەتكەن. دەمالىس ورنىندا ديامەترى 35 مەترلىك سۋبۇرقاق، 10 ۇلكەن جانە 72 كىشى جارىقشامدار، حوببيتتەر ءۇيى، ورتالىقتار، كوگال جانە گۇلدەر قويىلعان. الداعى كوك­تەمدە مۇندا  راۋشان جانە باسقا دا سان الۋان ءتۇرلى گۇلدەر ەگى­لەدى.

ساياباقتىڭ سالتاناتتى اشىلۋ راسىمىنە قاتىسقان تۇركىستان وب­لىسىنىڭ اكىمى ومىرزاق شوكەەۆ: «ەلىمىزدىڭ جاۋھارىنا اينالاتىن تۇركىستانداعى ءاربىر نىسان ءبىز ءۇشىن اسا ماڭىزدى. مۇنداي ورىنداردى جاڭعىرتۋ ارقىلى ءبىز تۇرعىندارعا جايلىلىق پەن ىڭعايلىلىق تانىتۋدى كوزدەيمىز»، – دەدى.

تۇركىستاندا ساياباقتار سانى الداعى ۋاقىتتا دا ارتاتىن بولادى. ولار  ءبىر-ءبىرىن قايتالامايدى، ارقايسىسىنىڭ وزىندىك ەرەك­­­شەلىگى بولماق. جاقىن ۋاقىتتا قۇرىلىس جۇمىستارى قار­قىن­دى ءجۇرىپ جاتقان وتىرار ىقشاماۋدانىنداعى اكىمشىلىك-ءىس­كەر­لىك ورتالىقتا جاڭا الاڭ بوي كوتەرەدى. سونداي-اق جىل سوڭى­نا دەيىن تۇركىستان قالاسىنداعى «جەڭىس» ساياباعى مەن كىشى اللەيا قايتا جوندەۋ جۇمىستارىنان ءوتىپ، پايدالانۋعا بەرىلەدى. قا­لا­نىڭ شەتكى اۋماعىندا سالىنىپ جاتقان سەگىز اللەيانىڭ دا اشىلۋ سالتاناتىنا از ۋاقىت قالدى.

سوڭعى جاڭالىقتار